भक्तपुरपोस्ट संवाददाता भक्तपुर, ३ जेठ २०७८
भक्तपुर, ३ जेठ २०७८भक्तपुरको पुराना नेता गणेशबहादुर खत्रीको निधन भएको छ । ८७ वर्षको उमेरमा उनको निधन भएको हो ।
सूर्यविनायक नगरपालिका नङ्खेल घर भएका खत्री स्थापना कालदेखि राप्रपाका नेता रहेका थिए । पछिल्लो समय उनी नेकपा (एमाले) मा प्रवेश गरी प्रतिनिधि सभाका लागि उम्मेदवार समेत भए । राप्रपामा रहँदा २ पटक जिल्ला विकास समितिको सभापति भएका खत्री एमालेमा आएपछि भने राजनीतिमा सफल हुन सकेनन । तर, उनले आफ्ना कार्यकर्ता मिसाएर भक्तपुरमा नेकपा(एमाले)लाई बलियो बनाइदिएका बताइन्छ । हाल एमालेबाट सूर्यविनायक नगरपालिकाका मेयरमा निर्वाचित बासुदेव थापा खत्रीकै राप्रपाकालिन कार्यकर्ता हुन् ।
दिवंगत खत्रीका ४ छोरा र १ छोरी छन् ।
सच्याइएको : उमेर ८७ वर्ष हुनुपर्नेमा अन्यथा भएकोले सच्याइएको छ ।
