News Portal

  • भक्तपुर काँग्रेसले भन्यो : ‘राष्ट्रपति भण्डारी ओलीको कठपुतली भईन्’

    बाबुराम दाहाल / भक्तपुर पोस्ट भक्तपुर, ९ जेठ २०७८
    ११२५ पटक
    भक्तपुर, ९ जेठ २०७८

    नेपाली काँग्रेस भक्तपुरले राष्ट्रपति विद्यादेवी भण्डारी प्रधानमन्त्री केपी शर्मा ओलीको कठपुतली भएको बताएको छ । राष्ट्रपति भण्डारीले ओलीकै निर्देशनमा निर्णय लिदैं आएको बताइएको हो ।

    आइतवार जिल्ला उपसभापति हरिप्रसाद नेपाल द्वारा प्रेसित प्रेस बिज्ञप्तीमा भनिएको छ, ” राष्ट्रपति सबै दलको साझा हुने बिश्वब्यापी मान्यता विपरित भण्डारीको भूमिका केवल वर्तमान प्रधानमन्त्री केपी ओली र उहाँको दलको संरक्षण गर्नु र गलत कार्यको साक्षी बस्नु मात्र रहेको छ ।”

    राष्ट्रपति भण्डारीले २१ घन्टे छोटो सूचना राखेर नयाँ सरकारको लागि आह्वान गर्नुमै नियतमा खोट देखिएको र काँग्रेस सभापति शेर बहादुर देउवाले बहुमत सदस्य देखाउदा देखाउदै जालझेल गरी प्रधानमन्त्री ओलीलाई नै निरन्तरता दिने षड्यन्त्र भएको भक्तपुर काँग्रेसको निष्कर्ष छ ।

    एकातिर संविधानको धारा (४) लाइ लत्याउने र अर्कोतिर प्रधानमन्त्रीले आफूले बहुमत पुर्याउन नसक्ने स्पष्ट भएका मार्गप्रसस्त गरेको भन्दाभन्दै पुन: उनकै पक्षमा निर्णय गरी संसद विघटन गर्ने जस्तो कार्यले राष्ट्रपति संविधान विरोधीको मतियार बनेको काँग्रेस भक्तपुरले जिकिर गरेको छ ।

    उपसभापति नेपालले यस संविधान बिरोधी कार्यको नेपाली काँग्रेस भक्तपुर जिल्ला कार्यसमितिले घोर भत्सर्ना गरेको र कडा प्रतिवाद गर्ने भनेका छन् भने कोभिड महामारीको यस विषम परिस्थितिमा समेत जनतालाई राहत दिनुको साटो संविधान विरोधी कार्यमा उद्धत प्रधानमन्त्री ओली र राष्ट्रपति भण्डारीको निरङ्कुश र अधिनायकबादी क्रियाकलापको प्रतिकारमा जुट्न समेत आम जनसमुदायलाई प्रेस बिज्ञप्ती मार्फत अपिल गरिएको छ ।

    प्रतिकृया दिनुहोस्

    भक्तपुरे गायक कपिलको स्वरमा काठमाडौं

    भक्तपुर शहरबारे गीत गाइसकेका भक्तपुरे गायक कपिल कस्पालले राजधानी काठमाडौं शहरलाई पनि आफ्नो स्वरमा सजाएका...

    भक्तपुरमा टेलिभिजन रियालिटी शो ‘प्रतिभाको आँगन’को अडिसन शुरु

    भक्तपुरस्थित संस्थागत विद्यालयका विद्यार्थीलाई लक्षित गरी संचालित टेलिभिजन कार्यक्रम ‘प्रतिभाको आँगन’को  तेस्रो संस्करण आउने भएको...

    भक्तपुरमा कक्षा १० की छात्रा ऋजुको ‘रोवेना ग्रुब्ली एन्ड द टेल अफ क्वीन एस्ट्रेन’ सार्वजनिक

    भक्तपुरको चाँगुनारायण-२ स्थित गोल्डेन सुनगाभा स्कूलमा अध्ययनरत एक विद्यार्थीले लेखेको अंग्रेजी उपन्यास बजारमा आएको छ...

    मनकामना केबुलकार ५० दिन बन्द हुने

    नेपालको पहिलो केबुलकार मनकामना केबुलकार ५० दिन बन्द हुने भएको छ । केबुलकारको डिजिटल प्रणालीमा...

    नेसनस प्याब्सन भक्तपुरको वृहत शिक्षक प्रशिक्षण सम्पन्न

    नेसनस प्याब्सन भक्तपुरको वृहत शिक्षक प्रशिक्षण सम्पन्न भएको छ । नेसनल प्याब्सन भक्तपुरले आफ्ना सदस्य...