News Portal

  • सरकारले बेवास्ता गरेको मजदुर वर्गका लागि भक्तपुरमा खाद्यान्न वितरण

    बाबुराम दाहाल / भक्तपुर पोस्ट भक्तपुर, १८ जेठ २०७८
    ९०८ पटक
    भक्तपुर, १८ जेठ २०७८

    कोभिड १९ को दोश्रो लहरसंगै जारी निषेधाज्ञामा स्वास्थ्य संकट समाधान नहुँदै आर्थिक संकट पनि शुरु भैसकेको छ । सबै पेशा व्यवसायलाई यसले प्रत्यक्ष प्रभाव पारेता पनि दैनिक ज्यालादारी गर्ने र मजदुरीबाहेक आम्दानीको श्रोत नभएकाहरु सबैभन्दा ठुलो समस्यामा परेका छन् ।

    संचार माध्यम र चिकित्सकहरुले कोभिड बिरुद्ध पोसिलो आहारको आवस्यकता औल्याइरहदा मजदुर बर्ग भने दुइ छाक टार्ने कसरी भन्ने चिन्तामा परेका छन् । प्राय मजदुरसंग बचत नभएको र उद्योगका मालिकहरु संक्रमणको डरले सम्पर्कमा नआउदा मजदुर वर्गको बिचल्ली भएको मजदुर नेता मिलन लामा बताउछन । एकापसमा गर्जो टार्दै जीविका चलाइरहेका कतिपय परिवार अबभने चुल्हो बाल्नै नसक्ने गरी समस्यामा देखिएका उनले बताए । अघिल्लो लकडाउनमा धेरै दाताहरु देखिएपनि यो पटक स्थानीय सरकार र प्रशासनले समेत उनीहरुप्रति बेवास्ता गरेको उनको आरोप छ ।

    आफू आवद्ध नेकपा (माओवादी केन्द्र) निकट मजदुरहरुको संगठन अखिल नेपाल ट्रेड युनियन महासंघ, भक्तपुरले समस्यामा परेका मजदुरहरुको लागि सहयोग गरिरहेको तर त्यो पर्याप्त नभएको उनले गुनासो गरे । स्थानीय सरकारले सहयोगका नाममा भोटको राजनीति गरिरहेको आरोप लगाउदै नेता लामाले निमुखा मजदुर वर्गलाई हेरिदिने सरकार नभएको भन्दै दुख प्रकट गरे ।

    भक्तपुरमा मजदुरका लागि राहत बाडिरहेको अवस्थामा सोमबार भेटिएका मजदुर नेता लामाले उक्त दुखेसो व्यक्त गरेका हुन् । आफूहरुले सोमबार मात्र पनि करिब ४० परिवारलाई चामल,दाल, नुन तेल जस्ता खाद्यान्न दिएको तर त्यसले एक हप्ता बढी नपुग्ने उनले बताए । परिवर्तनका लागि हाम्रो आवाज अभियानका अभियन्ताहरुको सहयोगमा उक्त राहत दिएको उनले जानकारी गराए । नेता लामा संगै रहेका परिवर्तनका लागि हाम्रो आवाज अभियानका युवा अभियन्ता साजन विश्वकर्माले आफूहरु एक छाक खाएर पनि मजदुरलाई भोको बस्न नदिने बताए । पसिना बगाएर खाने मजदुरलाई समस्यामा सहयोग गर्दा श्रम प्रति सच्चा सम्मान हुने उनको भनाइ छ ।

    युवा अभियन्ता बिकले श्रमिक परिवारलाई खाद्यान्न उपलब्ध गराउदा सन्तोष मिल्ने गरेको बताए । ”हाम्रो पनि एउतै वर्ग भएकोले होला, सहयोग गर्दा आनन्द आउछ । ” उनले भने । महामारीले मानिसहरु लाई स्वार्थी बनाएको र समाजमा अरुलाई नहेरी आफ्नै बारेमा मात्र सोच्ने बनाएको प्रति चिन्ता व्यक्त गर्दै अभियन्ता बिकले सरकारको उपस्थिति यस्तै बेलामा चाहिने भएपनि सरकारको उपस्थिति नहुनु दुखद भएको गुनासो गरे । यद्यपी समाजका सबै स्वार्थी नभई केहि अभियन्ता र दाताहरु पनि निस्किएकाले समाजमा भरथेग पुगिरहेको उनको भनाइ छ । दुखको यस घडीमा सबैले हातेमालो गरी एक भएर एकअर्काको परिपुरक बन्नुपर्नेमा जोड दिंदै अभियन्ताहरुले आ आफ्नो नजिक रहेका श्रमिक परिवारलाई सहयोग पुर्याइदिनुहुन भक्तपुर पोस्ट मार्फत अपिल समेत गरेका छन् ।

    प्रतिकृया दिनुहोस्

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...