News Portal

  • निषेधाज्ञा जेठ ३१ सम्म लम्ब्याइने : सिडिओ भट्टराई भन्छन, ‘हामीले खुकुलो गर्यौं’

    भक्तपुरपोस्ट संवाददाता भक्तपुर, १९ जेठ २०७८
    ११२२ पटक
    भक्तपुर, १९ जेठ २०७८

    भक्तपुर, ललितपुर र काठमाडौका प्रमुख जिल्ला अधिकारीको बैठकलेले निषेधाज्ञा जेठ ३१ सम्म लम्ब्याउने निर्णय गरेको छ । बुधबार बसेको बैठकले उक्त निर्णय गरेको हो ।

    जेठ १४ बाट उपत्यकामा बन्द गरिएको किराना पसल तथा खाद्यान्नका डिपार्टमेन्ट स्टोर भने खोल्न दिने निर्णय गरिएको भक्तपुरका सिडिओ प्रेमप्रसाद भट्टराईले बताएका छन् । किराना पसल र डिपार्टमेन्ट स्टोर बिहान ९ बजेसम्म खोल्न दिने निर्णय भएको उनको भनाइ छ ।

    सिडिओ भट्टाराईले यो बाहेक पनि निषेधाज्ञा केहि खुकुलो बनाउने निर्णय गरिएको खुलासा गरे । उनका अनुसार विकास निर्माणको काम खुला गरिएको छ । बिहान दिउसो नै श्रमिक राखेर काम सुचारु गर्न सकिनेछ । तर, निर्माण सामग्री राति मात्र ओसार्न पाइने उनले प्रष्ट पारे ।

    बिकास निर्माणको काम मात्र होइन, मेकानिकल वर्कसपहरु पनि अब खुल्ने भएका छन् । राति ९ बजेदेखि विहान ९ बजेसम्म मेकानिकल वर्कसपहरु सञ्चालन गर्न दिइने र किसानलाई कृषी कार्यमा रोक नलगाउने तर स्वास्थ्य सम्बन्धी मापदण्ड पुरा गर्नुपर्ने बताइएको छ । यसबाट किसान र मजदुर वर्गलाई राहत हुने अपेक्षा गरिएको छ ।

    निषेधाज्ञा खुकुलो हुने भनिए पनि यातायात संचालनमा कडाइ कायमै गरिएको बताइएको छ ।

    वैशाख १६ बाट जारी निषेधाज्ञालाई निरन्तरता दिँदै जेठ १४ बाट एक साता थपिएको निषेधाज्ञा अझ कडा पारिएको थियो । चौतर्फी आलोचनापछि निषेधाज्ञा खुकुलो पारिएको हो । भक्तपुरमा पाँच दलीय गठबन्धनले निषेधाज्ञाका कारण दैनिक ज्यालादारी गरिखाने श्रमिकहरु र खेतीको सिजनमा किसानहारु मारमा परेका र बिकास निर्माणमा समेत गतिरोध उत्पन्न गरिएको भन्दै सिडिओ भट्टराईलाई ध्यानाकर्षण गराएको थियो ।

    प्रतिकृया दिनुहोस्

    आदर्शस्थित औषधी पसलमा आगलागी, लाखौंको क्षती

    भक्तपुरको सूर्यविनायक नगरपालिका आदर्श चोक स्थित एक औषधी पसलमा एकाबिहानै आगलागी भएको छ । इन्द्र...

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    मध्यपुर थिमि नगरपालिकाले संचालन गरेको नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...