भक्तपुरपोस्ट संवाददाता भक्तपुर, २४ जेठ २०७८
भक्तपुर, २४ जेठ २०७८भक्तपुरको एक सार्वजनिक चौतारामा गोली फेला परेको छ । सूर्यविनायक नगरपालिका ४, दक्षिणबाराही मन्दिर नजिक रहेको चौतारामा गोली फेला परेको हो ।
चौतारा मर्मत गर्नेक्रममा ५ थान गोली भेटिएको स्थानीयले जनाएका छन् । कामदारले फेला पारेका ती गोली एसएलआर राइफलको गोली भएको आशंका गरिएको छ । गोली फेला परेको जानकारी पाएपछि महानगरिय प्रहरी वृत्त थिमिको प्रहरी टोली घटनास्थल पुगेको थियो ।
सार्वजनिक चौतारामा के कसरी गोली आयो भन्ने बारे केहि जानकारी प्राप्त हुन सकेको छैन । प्रहरीले यसबारे अनुसन्धान भैरहेको बताएको छ ।