भक्तपुर, ३१ जेठ २०७८आफूलाई नेपाल प्रहरीको डाक्टर र मेडिकल प्रहरी नायब उपरीक्षक (डिएसपी) बताउने एक फर्जी डिएसपी प्रहरी फन्दामा परेका छन् । तारकेश्वर नगरपालिका वडा नं ६ बस्ने बर्ष ४४ को कृष्ण प्रसाद ढुंगाना पक्राउ परेका हुन् ।
उनलाई अपराध महाशाखाबाट खटिएको प्रहरी टोलीले पक्राउ गरेको हो । भिक्टोरिया फार्मेसीका संचालक समेत रहेका ढुंगानाले आफूलाई नेपाल प्रहरीको डाक्टर बताउने गरेका बताइएको छ । उनको साथबाट नेपाल प्रहरीको बिभिन्न पदहरूको यूनिफम लगाएका फोटा ३ थान , प्रहरी नायब उपरीक्षकको यूनिफम १ थान, नेपाल प्रहरीको जर्सि १ थान ,मोबाईल सेट १ थानबरामद गरिएको अपराध महाशाखाले जनाएको छ।
महानगरीय अपराध महाशाखाले ढुंगानाबाट कोही व्यक्ति ठगिएका वा पिडित भएका भए नजिकको प्रहरी कार्यालय वा महाशाखामा सम्पर्क गर्न अनुरोध गरेको छ । उनीबारे थप आवश्यक अनुसन्धान कार्य भइरहेको महाशाखाले जनाएको छ।