News Portal

  • जन्मदिन मनाउने आफ्नै तरीका : डा. कोजूले पाठ्यपुस्तक उपहार दिएर मनाए आफ्नो जन्मदिन

    भक्तपुरपोस्ट संवाददाताभक्तपुर, ११ असार
    १४१६ पटक
    भक्तपुर, ११ असार

    जन्मदिन मनाउने सबैका आआफ्नै तरीका हुन्छन । भक्तपुरका एक शिक्षकले भने पाठ्यपुस्तक उपहार दिएर आफ्नो जन्मदिन मनाएका छन् ।

    भक्तपुर–९, कमलविनायकको रोम्वस नेशनल स्कुलका प्रिन्सिपलसमेत रहेका समाजसेवी डा. राजेन्द्र कोजूले सामुदायिक विद्यालयमा भर्ना भएका कमजोर आर्थिक अवस्थाका विद्यार्थीलाई पाठ्यपुस्तक उपहार दिएका हुन् । बिहीबार आफ्नो ४३ औ जन्मोत्सवको अवसर पारेर डा कोजुले चाँंगुनारायण –७, सुडालस्थित ठूली ब्रम्हायणी आधारभूत विद्यालयका विपन्न विद्यार्थीलाई पाठ्यपुस्तक प्रदान गरेका विद्यालयले जनाएको हो ।

    उनले नर्सरी, एलकेजी र यूकेजीमा अध्ययनरत ४५ जना विद्यार्थीलाई करिब ५३ हजार रुपैया बराबरको पाठ्यपुस्तक खरिद गरी पूरै सेट पाठ्यपुस्तक प्राप्त हुनेगरी विद्यालयलाई हस्तान्तरण गरेका बताइएको छ । राजनीतिशास्त्रमा विद्यावारिधी गरेका डा कोजुले यस अघिको जन्मदिन कृष्ण प्राविका विपन्न विद्यार्थीलाई यसरी नै पाठ्यपुुस्तक वितरण गरी मनाएका थिए ।

    सक्नेले नसक्नेका लागि गर्नुपर्छ भन्ने सेवाभावले आफूले काम गर्दै आएको डा कोजु बताउछन । शिक्षाको लगानी अहिले नदेखिए पनि यो नै दिगो लगानी भएको र यसले दीर्घकालमा समाजलाई प्रतिफल दिने उनको भनाइ छ । शिक्षा बाहेकको विकाशका कुरा क्षणिक र भ्रम मात्र भएको भन्दै उनले सबैखाले सरकारले शिक्षामा लगानी बढाउनुपर्ने आवश्यकता समेत औल्याएका छन् । उनले आगामी दिनमा पनि आफ्नो जन्मदिन यसरी नै मनाउने उद्घोष गर्दै आफ्नो जीवन शिक्षा क्षेत्रको विकासका लागि सुम्पिएको बताए ।

    ठूली ब्रम्हायणी आधारभूत विद्यालयका प्रिन्सिपल हरि राउतले निजी विद्यालय संचालन गरे पनि डा कोजु सामुदायिक विद्यालयको विकासका लागि लागिपरेको बताए । उनले विपन्न वर्गका विद्यार्थीलाई सम्झिएर गरिएको सहयोगबाट समाजमा साकारात्मक संदेश प्रवाह हुने विश्वास व्यक्त गरे ।

    आफ्नो ४३ औं जन्मदिनकै अवसर पारेर डा कोजुले अनलाइन मार्फत उनी आफूले रचना गरेका कविताहरुको संग्रह ‘इमानको धरहरा’ समेत सार्वजनिक गरेका छन् ।

    प्रतिकृया दिनुहोस्

    हनुमन्ते खोलामा हाम फालेका युवकको उद्धार

    hanumante

    भक्तपुरको हनुमन्ते खोलामा हाम फालेका मानिसको उद्धार गरिएको छ । स्थानीय र प्रहरीले उनको उद्धार...

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...