News Portal

  • भक्तपुर आएर एमाले प्रवक्ता ज्ञवालीको जिकिर : ओलीको कारण माओवादी शान्तिप्रक्रियामा आयो

    भक्तपुरपोस्ट संवाददाता भक्तपुर, १५ असार
    ९६६ पटक
    भक्तपुर, १५ असार

    राष्ट्रिय धान दिवसको अवसरमा निवर्तमान परराष्ट्र मन्त्री एवं नेकपा (एमाले)का प्रवक्ता प्रदिप ज्ञवाली र पूर्व उद्योग मन्त्रीसमेत रहेका नेकपा(एमाले)का नेता महेश बस्नेत रोपाइँमा सहभागी भएका छन् । मानो रोपेर मुरी फलाउने यो याममा उनीहरुले भक्तपुरको सूर्यविनायक नगरपालिका–९ नंखेल पलासेंस्थित एक कृषि फर्मको जग्गामा धान रोपेका हुन् ।

    नेकपा (एमाले)को युवा संगठन राष्ट्रिय युवा संघ नेपालको आयोजनामा  मंगलवार रोपाइँ कार्यक्रम सम्पन्न भएको हो । उक्त अवसरमा उपस्थित युवाहरुलाई सम्बोधन गर्दै निवर्तमान परराष्ट्र मन्त्री एवं नेकपा (एमाले)का प्रवक्ता प्रदिप ज्ञवालीले कृषिलाई हेर्ने समाजको नजरिया बदल्नुपर्ने बताए । कुकुरबिराला पाल्ने सभ्य र जनावरप्रेमी हुने तर गाइभैसी पाल्नेलाई गवार भनिने कुरा गलत भएको भन्दै उनले युवा पुस्ताले कृषि कर्मलाई गर्वको रुपमा लिई प्रोत्साहित गर्नुपर्ने आवश्यकता औल्याए । कृषिमा आकर्षण बढ्न नसक्दा ब्यापार घाटा बढेको बताउदै ज्ञवालीले ओली सरकारले कृषिमा जोड दिएको जिकिर गरे ।

    कार्यक्रममा एमालेका प्रवक्ता समेत रहेका ज्ञवालीले माओवादी केन्द्र प्रति आक्रोशपूर्ण अभिव्यक्ति समेत दिए । एमालेमा समाहित पूर्व माओवादी युवाहरु समेत सम्मिलित उक्त कार्यक्रममा उनले माओवादी कालमा चन्दा आतंक चलेको आरोप लगाए । चन्दाका लागि मानिस अपहरण हुँदा समेत कोही बोल्न नसक्ने अवस्था त्यतिबेला रहेको र चन्दा नमाग्दा मानिसहरु आफू ब्ल्याक लिस्टमा परेकोले मारिन सक्ने भन्दै भयभित हुनेगरेका दावी गरे । जातिको आधारमा राज्यलाई प्रदेशमा बाड्ने माओवादी अभिष्ट एमालेकै कारण पूरा नभएको समेत उनले खुलासा गरे । त्यतिमात्र होइन, उनले माओबादीको अशान्तिपूर्ण आन्दोलनलाई समाप्त गर्न केपी ओलीले शान्ति प्रक्रियामा ल्याएको समेत भन्न भ्याए । केपी ओलीको नेतृत्वमा माओवादीलाई शान्तिपूर्ण राजनीतिमा ल्याइएको उनको भनाई छ ।

    उक्त अवसरमा प्रवक्ता ज्ञवालीले एमाले पटक पटक लडेको र धुलो टक्टक्याउदै उठेको स्मरण गर्दै यसपटक पनि उठ्ने भन्दै निरास नबन्न र क्रियाशील रहन युवाहरुलाई आग्रह गरेका थिए ।कार्यक्रममा युवा संघका इन्चार्ज समेत रहेका निवर्तमान सांसद, पूर्व मन्त्री एवं एमालेका केन्द्रीय सदस्य महेश बस्नेतले युवा संघले रोपाइको कार्यक्रमलाई यस वर्ष पनि निरन्तरता दिएको बताए । कृषिको महत्वबारे बुझाउन सांकेतिकरुपमा कार्यक्रम गरिएको भन्दै उनले देशका युवाहरुलाई यसले सकारात्मक संदेश दिएको दावी गरे । वर्तमान सरकारले युवा परिषद र युवा स्वरोजगार बैंक लगायतको स्थापना गरी युवालाई आत्मनिर्भर गराउन प्रयत्नशील रहेको उनले जिकिर गरेका छन् ।

    कृषिलाई प्रविधियुक्त र आधुनिकीकरण गर्दै धान निर्यात गर्ने अवस्थामा पुर्याउन सरकार प्रयत्नशील रहेको समेत उनले बताए । सामाजिक काममा युवा संघले ऐतिहासिक रेकर्ड राखेको उनको भनाई छ । अधिकांस समय युवा संघको कामको बारेमा बोलेका नेता बस्नेतले सरकारको बचाव गरेपनि बिपक्षी दलका बारेमा भने कुनै टिप्पणी गरेनन ।

    कार्यक्रममा युवा संघका केन्द्रीय अध्यक्ष किरण पौडेल लगायतका पदाधिकारीहरु, एमाले भक्तपुरका अध्यक्ष बचन देउजा,जिसस प्रमुख नवराज गेलाल, सूर्यविनायक नगरपालिकाका मेयर बासुदेव थापा, उपमेयर जुना बस्नेत, चाँगुनारायणकी उपमेयर विणा बाँस्तोला, लगायतको सहभागिता रहेको थियो । उक्त अवसरमा चलचित्रकर्मी दीपाश्री निरौला र स्वस्तिमा खड्का संगीतकर्मी कृष्ण कडेँल, छत्र शाही, कल्पना दाहाल रेस्लर भगवती खड्का र अस्मिता जुरेलीलगायतको समेत सहभागिता रहेको थियो ।

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...