News Portal

  • ओलीको दुर्गतीबाट पाठ सिकेर जनप्रतिनिधिले दम्भ देखाउन नहुने काँग्रेस नेता सिंहको सुझाव

    भक्तपुर पोस्ट संवाददाता मध्यपुर, २७ साउन २०७८
    ६५७ पटक
    मध्यपुर, २७ साउन २०७८

    पूर्व उपप्रधानमन्त्री समेत रहेका नेपाली काँग्रेसका पूर्वमहामन्त्री एवं प्रतिनिधि सभाका सदस्य प्रकाशमान सिंहले निवर्तमान प्रधानमन्त्री केपी शर्मा ओलीलाई सत्ताको मात लाग्दा सत्ताच्युत हुनुपरेको जिकिर गरेका छन् । दुई तिहाइ सहित प्रधानमन्त्री बनेका ओलीले सत्ता पाएपछि देखाएको दम्भका कारण आफैले दुर्गती निम्त्याएका उनले दावी गरेका हुन् ।

    कौसलटारमा बुधवार मध्यपुर थिमि नगरपालिका वडा नम्बर ३ को वडा भवन उद्घाटन गर्दै नेता सिंहले भने, ” सत्ताको दम्भकै कारण केपी ओली समय नपुग्दै बालुवाटार छोडेर बालकोट फर्कनुपर्यो ।” नेकपा(एमाले ) का अध्यक्ष एवं निवर्तमान प्रधानमन्त्री केपी शर्मा ओलीको दुर्गतीबाट पाठ सिकेर जनप्रतिनिधिले दम्भ देखाउन नहुने उनले जिकिर गरे । जनप्रतिनिधि जनताको आदर्श प्रतिनिधि हुन सक्नुपर्नेमा जोड दिंदै उनले दलगत स्वार्थबाट माथि उठ्न नसक्ने जनप्रतिनिधिका कारण देश र जनताले दुख पाइरहेका समेत खुलासा गरे ।

    जनताको घर दैलोमा भेटिने स्थानीय जनप्रतिनिधिको व्यवहारबाट जनताले राजनीतिक व्यवस्था माथि नै धारणा बनाउने हुँदा जनप्रतिनिधि इमान्दार र स्वच्छ आचारण युक्त हुनुपर्ने उनको सुझाव छ । जनप्रतिनिधि भ्रष्टाचारी र अपारदर्शी भएमा व्यवस्थाप्रति नै जनतालाई वितृष्णा उत्पन्न हुनसक्ने उनको भनाइ छ । दलीय व्यवस्थामा चुनावका बेला प्रतिस्पर्धा हुनु स्वभाविक भएपनि चुनाव पछि बिकास निर्माण र जनचासोका विषयमा नेताहरुको एकमत हुनुपर्ने समेत उनले आवश्यकता औल्याएका छन् । नेपालमा चुनावको हारजितले इगोको रुप लिदा बिकास निर्माण प्रभावित हुने गरेका आफ्नो अनुभव सुनाउदै पूर्व स्थानीय विकास मन्त्री समेत रहेका सिंहले यो अवस्थाको अन्त्यका लागि जनप्रतिनिधिले सबैलाई समेटेर लान सक्नुपर्ने र प्रत्यासी नेताहरुले पनि सहयोगी हात अघि बढाउनुपर्ने बताए ।

    उक्त अवसरमा नेता सिंहले मध्यपुर नगरपालिकामा वडा नम्बर ३ ले आफ्नै प्रशासनिक भवन संचालन गरेको प्रति बधाई दिंदै अरु वडाले पनि यसबाट सिक्नुपर्नेमा जोड दिएका थिए । उनले प्रशासनिक भवनबाट जनतालाई काममा सहज हुने बिश्वास समेत व्यक्त गरेका छन् ।

    वडा नम्बर ३ का वडाध्यक्ष प्रेम बहादुर कुटुको अध्यक्षतामा संचालित उक्त कार्यक्रममा नगरप्रमुख मदन सुन्दर श्रेष्ठ, उप प्रमुख अन्जनादेवी मधिकर्मी, नेपाली काँग्रेस भक्तपुरका प्रभावशाली नेता अष्ट कबे लगायतले मध्यपुर थिमिको विकास निर्माणको अवस्थाबारे अवगत गराएका थिए भने उक्त कार्यक्रमको संचालन वडाकी निमित्त प्रशासकीय प्रमुख तारा पोखरेलले गरेकी थिइन् । कार्यक्रममा वडा नबर २ का वडाध्यक्ष राम थापामगर, प्रमुख प्रशासकीय अधिकृत चुरामणी पन्थी, नेपाल पत्रकार महासंघ भक्तपुरका अध्यक्ष जगत प्रजापति  लगायतको आतिथ्यता रहेको थियो । उक्त अवसरमा कोभिड रोकथाम र नियन्त्रणमा वडाको अभियानमा साथ् दिएका व्यक्ति तथा सस्थालाई सम्मानपत्र द्वारा सम्मानित समेत गरिएको थियो ।

     

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...