भक्तपुर, ३२ साउन नेकपा(एमाले) को माधव नेपाल पक्षनिकट युवा संघ नेपालले भक्तपुरमा कोभिड १९ बिरुद्ध जनचेतना कार्यक्रम सन्चालन गरेको छ । कोभिडको सम्भावित तेस्रो लहर रोक्न संघले जनचेतनामुलक कायक्रम गरेको हो ।
सोमबार युवासंघ सम्बद्ध युवाहरुले कमलविनायक चोकदेखि च्यामासिंह सम्म मास्क वितरण समेत गरेका छन् । कोभिड १९ को संक्रमण बढेसंगै स्थानीय जनसमुदायलाई जोखिमबाट बचाउन आवश्यक जनचेतना कार्यक्रम संचालन गरिएको भक्तपुर जिल्ला अध्यक्ष रन्जन मोहन सैजुले बताए । युवा संघ नेपालका कर्याकर्ताहरुले ब्यानर पम्प्लेट लगायतको माध्यमबाट सामाजिक दुरी कायम गर्न र मास्क लगाएर हिंड्न् जनचेतनामूलक प्रचार प्रसार गरेका थिए ।
उक्त अवसरमा युवा संघ नेपालका केन्द्रीय सदस्य दिपक थापा, भक्तपुर जिल्ला सह इन्चार्ज हरेराम दङ्गाल, जिल्ला अध्यक्ष रन्जन मोहन सैजु र पिपुल्स भोलेण्टिएरका भक्तपुर जिल्ला संयोजक उमेश घोरासैनी लगाययतको उपस्थिती रहेको थियो ।
युवा संघ नेपालका केन्द्रीय सदस्य दिपक थापाले यस्ता सामाजिक कार्यलाइ निरन्तरता दिने र समुदायसंग मिलेर कोभिडविरुद्धको अभियानमा सहभागी बन्ने बताए ।