भक्तपुर, १८ भदौ नेकपा(माओवादी केन्द्र)को बदलिएको सांगठनिक संरचना अनुसार पार्टीको भक्तपुर जिल्ला समन्वय समिति संयोजकमा नेता डिपी ढकाल चयन भएका छन् । निवर्तमान जिल्ला अध्यक्ष ढकाललाई नै जिल्ला समन्वय समितिको नेतृत्वमा निरन्तरता दिइएको हो ।
पार्टीको शुक्रवार सम्पन्न बागमती प्रदेश कमिटीको पूर्ण बैठकले उक्त नेता ढकाललाई जिल्ला समन्वय समितिमा संयोजकको जिम्मेवादी प्रदान गरेको भक्तपुर इन्चार्ज दिलिप प्रजापति भिष्मले पुष्टि गरे । प्रदेश अन्तर्गत १३ वटै जिल्लामा जिल्ला समिति खारेज गर्दै बनेको जिल्ला समन्वय समितिको संयोजक चयन गरिएको र त्यसमा भक्तपुरको जिम्मेवारी नेता डिपी ढकाललाई दिइएको केन्द्रीय सदस्य समेत रहेका जिल्ला इन्चार्ज प्रजापतिले जानकारी दिए ।
प्रदेश कमिटीको पूर्ण बैठकको अवसरमा नेता ढकालले जिल्ला समन्वय समितिको संयोजकको हैसियतमा भक्तपुरको रिपोर्ट समेत प्रस्तुत गरेका बताइएको छ भने उक्त अवसरमा पार्टीका जिसस संयोजक,निवर्तमान जिल्ला सदस्य र वर्तमान नगर अध्यक्षहरुलाई केन्द्रीय अध्यक्ष पुष्प कमल दाहाल प्रचण्डले भर्च्युअल माध्यम बाट निर्देशनात्मक प्रशिक्षण समेत प्रदान गरेका बागमती प्रदेश कमिटीले बताएको छ ।
पार्टीको महाधिवेशन मंसिरमा गर्ने म्यान्डेट अनुसार कार्य गर्न अध्यक्ष प्रचण्डले मार्गनिर्देश गरेका बताइएको छ ।
