भक्तपुर, १२ असोज २०७८गएराति करिब पौने ९ बजेको समयमा सल्लाघारीस्थित ट्राफिक लाइट चोकमा दुर्घटनाग्रस्त मोटरसाइकलका चालकको ज्यान गएको छ । ज्यान गुमाउनेमा प्रदेश ३-०२-००८ प २५०१ नं.को मोटरसाईकलका चालक सुर्यबिनायक- ३ बालकोट बस्ने ४५ वर्षीय गणेश रजौरा रहेका छन् । सूर्यविनायक तर्फबाट आउदै गरेको RJ 02 GB1917 भारतीय नम्बरको १८ चक्के खाली टेलर गाडीले दुवाकोट मोडबाट आएको मोटरसाइकललाई ठक्कर दिदा दुर्घटना भएको थियो ।
सल्लाघारी स्थित ड्युटीमा रहेको प्रहरी टोली घटनास्थलमा पुगी घाइतेलाई तत्कालै उद्धार गरी अस्पताल पुर्याएको थियो। अस्पतालले चालक रजौरालाई राति ९ बजे नै मृत घोषणा गरेको प्रहरीले जनाएको छ । मोटरसाइकल पछाडि सवार कौशलटारका २८ वर्षीय अमृत सिलवाल भने सकुसल छन् । उनी अस्पता बाट डिस्चार्ज समेत भैसकेका छन् । टेलर चालक देश भारत राजस्थान प्रदेश अलबर जिल्ला बस्ने बर्ष ५० को महादेव शर्मालाई महानगरीय प्रहरी वृत्त जगातीले नियन्त्रणमा लिएको जनाएको छ ।
दुर्घटनाको अनुसन्धान गर्न जगाती बृत्तका इन्स्पेक्टर बिष्णुहरि फुयालको नेतृत्वमा प्रहरी परिचालित भएको बताइएको छ । तिब्र गति र पानी परिरहेको कारण बाटो चिप्लो भई दुर्घटना भएको प्रारम्भिक अनुसन्धानबाट अनुमान गरिएको इन्स्पेक्टर फुयालले बताएका छन् । घटना सम्बन्धमा थप: अनुसन्धान भईरहेको उनको भनाइ छ ।