भक्तपुरपोस्ट संवाददाता भक्तपुर, ८ कात्तिक २०७८
भक्तपुर, ८ कात्तिक २०७८सरकारले परिचयपत्र नभएको कसैलाई पनि घर, कोठा, अपार्टमेन्ट, फ्ल्याट भाडामा नदिन आग्रह गरेको छ । गृह मन्त्रालयले सोमबार एक बिज्ञप्ती जारी गर्दै उक्त आग्रह गरेको हो ।
कतिपय विदेशी नागरिक परिचय लुकाइ अनधिकृत रूपमा नेपाल प्रवेश गरी बसोबास गर्ने प्रयास भइरहेको भन्दै पहिचान खुल्ने परिचय पत्र नभएका कसैलाई पनि भाडामा नराख्न बिज्ञप्तीमा आग्रह गरिएको छ । त्यतिमात्र होइन गृह मन्त्रालयका प्रवक्ता फणिन्द्रमणि पोखरेल द्वारा विज्ञप्तिमा त्यस्ता व्यक्तिहरूलाई कुनै किसिमको कामकाजमा समेत नलगाउन भनिएको छ ।
पहिचान नखुलेका विदेशी नागरिक देखिएमा वा भेटिएमा नजिककाे प्रहरी चाैकीमा खबर गरी सहयाेग गरिदिन पनि सरकारले आग्रह गरेकाे छ ।
केहिदिन अघि मात्र गैरकानुनी रुपमा नेपाल प्रवेश गरेका केही अफगानीहरु उपत्यकामा फेला परेसंगै सरकार सतर्क भएको हो ।