News Portal

  • माओवादी केन्द्रको देशैभर वडा अधिवेशन : भक्तपुरका अधिकांश वडामा बन्द सत्र समेत सम्पन्न

    बाबुराम दाहाल / भक्तपुर पोस्ट भक्तपुर, ४ मङ्सिर २०७८
    ९३० पटक
    भक्तपुर, ४ मङ्सिर २०७८

    राष्ट्रिय महाधिवेशनको तयारीमा रहेको नेपाल कम्युनिष्ट पार्टी (माओवादी केन्द्र) मा चुनावी रौनक शुरु भएको छ । पूर्वनिर्धारित मिति अनुरुप शनिवार एकसाथ देशैभरका वडाहरुमा अधिवेशन शुरु भएको हो ।

    भक्तपुरका अधिकांश वडाहरुमा शनिवार बिहानै वडा सम्मेलन सम्पन्न समेत भैसकेका छन् । अपराह्नसम्ममा अधिकांश वडामा वडा नेतृत्व समेत टुंगो लागिसकेको र बाँकी वडाहरुले साँझ सम्ममा अधिवेशन सम्पन्न गरिसक्ने तयारी गरेका जिल्ला अध्यक्ष डिपी ढकालले जनाएका छन् ।

    जिल्लामा ४ वडा नगरपालिकाले शनिवार बेग्लाबेग्लै समय तालिका अनुसार अधिवेशन गरिरहेका छन् । भक्तपुर नगरपलिका क्षेत्रका सबै वडाहरुमा एकसाथ साँझ ४ बजे अधिवेशन गरिने नगर संयोजक साजन प्रजापतिले बताए ।

    चाँगुनारायणका संयोजक नरेश खड्काका अनुसार सबै वडामा अधिवेशन उद्घाटन भैसकेका छन् भने केहीमा मात्र नेतृत्व चयनको काम बाँकी छ ।

    मध्यपुर थिमी नगरपालिकाले पार्टीका पोलिटब्युरो सदस्य एवं भूमि व्यवस्था, सहकारी एवं गरिबी निवारण मन्त्री शशी श्रेष्ठलाई नै बोलाएर वडा अधिवेशन उद्घाटन गरेको छ । नगर संयोजक विजय श्रेष्ठले केही वडाहरुमा नेतृत्व समेत चयन भैसकेको बताए ।

    सूर्यविनायक नगर संयोजक सानुकान्छा आलेमगरका अनुसार नगरका ६ वडा वडाको अधिवेशन सम्पन्न भैसकेको र बाँकी ४ वडाको साँझ सम्म सम्पन्न गरिने बताए ।

    ११ गते नगर अधिवेशनको कार्यतालिका बनाएको नेकपा माओवादी केन्द्रको भक्तपुरका सबै वडाहरुमा सर्वसम्मत नेतृत्व चयनको अवस्था रहेको जिल्ला सह इन्चार्ज देवेन्द्र श्रेष्ठले जनाएका छन् । अधिवेशन सम्पन्न भएका सबै वडामा सर्वसम्मत नेतृत्व निर्वाचित भएको भन्दै उनले बाँकी वडामा पनि सर्वसम्मत नेतृत्व चयन हुने दावी गरे ।

    पार्टीका केन्द्रीय सदस्य समेत रहेका जिल्ला इन्चार्ज दिलिप प्रजापतिले वडाहरुमा नेतृत्व लिने विषयमा आन्तरिक प्रतिष्पर्धा रहेपनि कुनै बिबाद भने नभएको पुष्टि गरे ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...