News Portal

  • बाहिरियो प्रहरी नेतृत्व भित्रको विवाद, आइजीपी शैलेशलाई पालमाथि शंका

    भक्तपुरपोस्ट संवाददाता भक्तपुर, ५ मंसिर २०७८
    १९० पटक
    भक्तपुर, ५ मंसिर २०७८

    नेपाल प्रहरीको नेतृत्व भित्रको विवाद बाहिर आएको छ । आइजीपी शैलेश थापा क्षेत्रीले आफ्नो अनुपस्थितिमा तेस्रो बरियताका एआईजी निरजबहादुर शाहीलाई निमित्त प्रहरी महानिरीक्षकको जिम्मेवारी दिएपछि उक्त विवाद बाहिर आएको हो ।

    महानिरीक्षक क्षेत्री इन्टरपोलको ८९औं महासभामा भाग लिन आइतबार टर्कीको ईस्तानबुल प्रस्थान गरेका छन् । उनले आफ्नो अनुपस्थितिमा संगठनमा तेस्रो बरियताका एआईजी निरजबहादुर शाहीलाई निमित्त प्रहरी महानिरीक्षकको जिम्मेवारी दिएका छन् ।

    आइजीपी क्षेत्रीपछिको बरियतामा रहेका एआईजी हरिबहादुर पालले निमित्त दिइएको विषयलाई लिएर असन्तुष्टि जनाएका बुझिएको छ । कनिष्ठलाई निमित्त दिएको भन्दै उनी बिदामा बसेका छन् ।

    क्षेत्री भर्खरै भारत भ्रमणमा जाँदा पनि उनले एआइजी प्रद्युम्न कार्कीलाई कार्यवाहकको जिम्मेवारी दिएका थिए । कार्की उनको भक्तपुरको कटुन्जेस्थित घर नजिकैका छिमेकी पनि हुन् । पछिल्लो समय क्षेत्री र पालको सम्बन्ध चिसिएको चर्चा प्रहरी संगठनमा चलिरहदा पाललाई निमित्त नदिएर आइजीपी क्षेत्रीले त्यसलाई पुष्टि गरिदिएका छन् ।

    शैलेश थापा क्षेत्री आइजीपी हुने बेला पालले सौहार्दता देखाए पनि केपी ओलीको सरकार परिवर्तन भएसंगै थापाले पालबाट खतरा महसुस गरेका श्रोतको दावी छ । प्रहरीमा संगै भर्ना भएर सँगै तालिम गर्दाका घनिष्ठ साथीहरू नै माथिल्लो पद प्राप्तिका लागि आफ्नै साथीहरुको खुट्टा तान्न तल्लीन हुन्छन । प्रहारी प्रमुख (आइजीपी) बन्न हुने अस्वस्थ प्रतिस्पर्धा नेपालमा अब लुकेको छैन । त्यतिमात्र होइन, आइजीपी भइसकेपछि पनि आफ्ना ब्याजी एआइजीहरूले अपदस्थ गर्लान कि भनेर त्रास पनि देखिन्छ । त्यसैको परिणती वर्तमान घटनालाई मान्न सकिने जानकारहरु बताउछन ।

    प्रतिकृया दिनुहोस्

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...

    राखेपमा खेलकर्मीहरुको हरिबिजोग : सदस्य सचिवमा ब्यापारीकै पल्ला भारी

    फेरि व्यापारीलाई नै खेलकुदको नेतृत्व दिने तयारी काठमाडौं, मंसिर ११– देशमा सरकार परिवर्तनसँगै नेपाली खेलकुद...

    भक्तपुरका स्ववासीको भूमि सम्बन्धी समस्या समाधान गरिने

    भूमि व्यवस्था, सहकारी तथा गरिवी निवारण मन्त्री शशी श्रेष्ठले भक्तपुरमा रहेका स्ववासी र बेनिसाको समस्या...

    चाँगुनारायणमा नरेश खड्काको नेतृत्वमा माओवादी केन्द्रको नयाँ नगर समिति निर्वाचित

    सत्ता साझेदार दल नेपाल कम्युनिष्ट पार्टी (माओवादी केन्द्र) ले भक्तपुरको चाँगुनारायण नगरपालिकामा नयाँ नेतृत्व निर्वाचित...

    भक्तपुर सांगीतिक समाजको आयोजनामा २५ जनाले गरे रक्तदान

    भक्तपुर सांगीतिक समाजले आफ्नो पाँचौ स्थापना दिवसको अवसर पारेर रक्तदान कार्यक्रम सम्पन्न गरेको छ ।...