सिनामंगलस्थित सेन्ट्रल कलेजमा नयाँ भर्ना भएका विद्यार्थीका लागि स्वागत कार्यक्रम सम्पन्न भएको छ । स्नातक तेस्रो सेमेस्टर अध्ययनरत विद्यार्थीहरुद्वारा प्रथम सेमेस्टरका विद्यार्थीहरुका लागि आयोजित स्वागत कार्यक्रम शुक्रबार सम्पन्न सम्पन्न भएको हो ।

उक्त अवसरमा बोल्दै प्रमुख अतिथिसमेत रहेका कलेजका अध्यक्ष गोपाल कृष्ण श्रेष्ठले पढाइ सँगै विद्यार्थीहरुको विविध क्षमता बिकासमा कलेजले जोड दिइरहेको जानकारी गराए । त्यस्तै कलेजका प्रबन्ध निर्देशक एवम् प्राचार्य पारस श्रेष्ठले सेन्ट्रल कलेजबाट अहिलेसम्म उत्पादन भएका जनशक्ति कोहि बेरोजगार बस्नु नपरेको बताउँदै शिक्षक, विद्यार्थी र अभिभावकहरु बिचको त्रीपक्षिय समन्वय बाट उत्कृष्ट नतिजा प्राप्त गर्न सकिएकोप्रति सन्तोष ब्यक्त गरेका थिए  ।

कार्यक्रममा सहायक क्याम्पस प्रमुख गणेश बुढाथोकीले सेन्ट्रल कलेजले सक्षम र योग्य जनशक्ति उत्पादनका लागि सैद्धान्तिक कक्षामा मात्र नभई, व्यवहारिक र प्रयोगात्मक पक्षलाई बढी महत्व दिदै आएको दावी गरे ।

कार्यक्रममा मिस एण्ड मिस्टर फ्रेसर प्रतियोगिता सँगसँगै विद्यार्थीहरुको गायन, नृत्य लगायत विभिन्न प्रतिभाहरु प्रस्तुत गरिएको थियो ।

पोखरा विश्वविद्यालयबाट सम्बन्धन प्राप्त सेन्ट्रल कलेजले लामो समयदेखि ब्यवसायीक शिक्षामा योगदान दिदै आएको छ । कलेजमा अहिले स्नातक तहमा BBA, BHM र BHCM मा विद्यार्थीहरु भर्ना भइरहेका सहायक प्राचार्य गणेश बुढाथोकीले बताए ।