News Portal

  • खेलकुदलाई अतिरिक्त होइन, पाठ्यक्रममै पूरक क्रियाकलापको रुपमा राखिनुपर्छ : सांसद गोसाई

    भक्तपुरपोस्ट संवाददाता भक्तपुर, १३ पुस २०७८
    ८१४ पटक
    surendraraj gosaiभक्तपुर, १३ पुस २०७८

    बागमती प्रदेश सभाका सांसद एवं नेमकिपाका केन्द्रीय सदस्य सुरेन्द्रराज गोसाइँले खेलकुद विद्यालयको पाठ्यक्रममा प्राथमिकतापूर्वक राखिनुपर्ने बताएका छन् । खेलकुदलाई अतिरिक्त क्रियाकलापको रुपमा मात्र नभई पूरक क्रियाकलापको रुपमा राखिनुपर्ने उनले बताएका हुन् ।

    मंगलवार भनपा ७ स्थित माहेश्वरी खेल मैदानमा आयोजित भक्तपुर कप फुटबल प्रतियोगिताको समापन समारोहलाई सम्बोधन गर्दै सांसद गोसाईले खेलकुद र पढाई एउटा मानिसका दुईटा खुट्टा जस्तै भएको भनेका छन् । खेलकुद र पढाई कुनै एकलाई मात्र प्राथमिकता दिएर अघि बढ्न नसकिने जिकिर गर्दै उनले यी दुवैलाई संगसंगै लानुपर्नेमा जोड दिए ।

    शारीरिक मानसिक तन्दुरुस्ती र मजबुद आत्मबलका लागि खेलकुद आवश्यक रहेको बिचार ब्यक्त गर्दै उनले खेलकुद जीवनको अभिन्न अंग बन्दै गएकोले यसलाई बेलैमा बुझ्नु जरुरी भएको बताए । खेलकुदले बल, बुद्धि, विवेक बढाउने मात्र नभई मित्रता र सामुहिक भावनाको समेत बिकास गराउने उनको भनाइ छ । खेललाई चीनले महत्व दिएर अघि बढेको सन्दर्भ जोड्दै सांसद गोसाईले नेपालले खेलकुदको बिकास गर्न चीनबाट सिक्नुपर्ने सुझाव समेत दिए ।

    विश्व आक्रान्त पारेको कोभिड महामारीबाट बाच्न आत्मबलको आवश्यकता परेको स्मरण गर्दै उनले खेलकुदले मानिसलाई जस्तोसुकै परिस्थितिमा पनि संघर्ष गर्न सिकाउने र जित्न सिकाउने जिकिर गरे । खेलकुद मार्फत आफ्नो ठाउँ र देशकै नाम फैलाउन सकिने अर्को फाइदा समेत रहेको भन्दै उनले विश्वले बुझ्ने भाषा भनेको खेलकुद भएको भनेका थिए ।

    एक फरक प्रसङ्गमा सांसद गोसाईले एमसीसी नेपालीका लागि कोभिड भाइरस जत्तिकै खतरनाक रहेकोले यसको बिरोध गर्नुपर्ने बताए । एमसीसी सम्झौताको नाममा राष्ट्रियता डलरमा बेच्ने षड्यन्त्र भैरहेको भन्दै उनले आम नेपाली यसको बिरुद्ध आन्दोलनमा उत्रनुपर्ने आवश्यकता औल्याए । सांसद गोसाईले भने ” एमसीसी सम्झौता भए देश रहदैन, त्यसैले पहिले देश बचाऔं अनिमात्र अरु काम गर्न सकिन्छ ।”

    प्रतियोगितामा बिजेता र उपबिजेता हुन सफल टिमलाई बागमती प्रदेशका सांसद सुरेन्द्रराज गोसाइँले नगद पुरस्कार, कप तथा प्रमाणपत्र वितरण गरेका थिए । प्रतियोगिताको उपाधि मदरल्याण्ड बोर्डिङ स्कूलले उचालेको छ । मंगलबार सम्पन्न फाइनल खेलमा स्प्रिङडेल बोर्डिङ स्कूललाई हराउदै मदरल्याण्डले उपाधी हात पारेको हो ।

    आयोजक क्लबका संरक्षक एवं पूर्व खेलाडी साजन प्रजापतिको अध्यक्षतामा सम्पन्न समापन समारोहमा वडाध्यक्ष रवीन्द्र ज्याख्व, क्लबका सस्थापक अध्यक्ष शिवजी श्रेष्ठ, वर्तमान अध्यक्ष राम प्रजापति लगायतले प्रतियोगिताको महत्व माथि प्रकास पारेका थिए ।

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...