News Portal

  • भक्तपुरमा भयानक कार दुर्घटना, २२ वर्षिय युवकको निधन

    राजेशमान मानन्धर / भक्तपुरपोस्ट भक्तपुर, १५ पुस २०७८
    ३०१३ पटक
    भक्तपुर, १५ पुस २०७८

    छ लेन सडकमा गएराति भएको भयानक सडक दुर्घटनामा एकजनाको ज्यान गएको छ । मध्यपुर थिमी नगरपालिका वडा नं. ४ चारदोबाटोमा गएराति भएको सडक दुर्घटनामा २२ वर्षीय युवकको ज्यान गएको हो ।

    नयाँथिमीबाट गठ्ठाघरतर्फ जादै गरेको बा ४ च ५७६ नं. को कार आफै अनियन्त्रित भई करिब पौने ९ बजे सडकको बिच भागमा रहेको डिभाईडरमा ठक्कर खाई दुर्घटना हुँदा घाईते भएका कारमा सवार २२ वर्षीय युवकको ज्यान गएको महानगरीय प्रहरी परिसर भक्तपुरले जनाएको छ । ज्यान गुमाउने युवक धनुषाको जनकपुर उपमहानगरपालिका १५ घर भई हाल काठमाण्डौ शान्तिनगर बस्ने बर्ष २२ कोअभिषेक साह रहेको डिएसपी राजु पाण्डेले पुष्टि गरेका छन् ।

    उपचारका लागी नागरिक अस्पताल गठ्ठाघर लगिएकोमा उपचारकै क्रममा साहले ज्यान गुमाएको पाण्डेले पुष्टि गरेका हुन् । उनका अनुसार कार चालक सिन्धुली कमलामाई नगरपालिका वडा नं. १२ का २५ वर्षीय सबिन घिसिङको मध्यपुर अस्पताल थिमीमा उपचार भईरहेको छ ।

    कार अनियन्त्रत भई सोही दिशातर्फ गईरहेको ट्याक्सी र बसलाई समेत ठक्कर दिएकोमा ट्याक्सी चालक जिल्ला रामेछाप मन्थली नगरपालिका वडा नं. १२ घर भई हाल जिल्ला ललितपुर टिकाथली बस्ने बर्ष ३२ को भिमसेन खत्री सामान्य उपचार पश्चात डिस्चार्ज भएका प्रहरीको भनाइ छ ।

    घटनास्थलमा अनुसन्धान अधिकृत सहितको प्रहरी टोली खटिई गई अनुसन्धान कार्य भईरहेको बताइएको छ ।

    तस्विर : राजु कुटु

    प्रतिकृया दिनुहोस्

    संकटमा गुरु-शिष्य सम्वन्ध

    “गुरु ब्रह्मा, गुरु विष्णु, गुरु देवो महेश्वर, गुरु साक्षात् परमं ब्रह्मा तस्मै श्री गुरुवे नमः”...

    दोलखाको प्रसिद्ध भीमेश्वरमा पसिना, अनिष्ट हुने मान्यता

    दोलखाको प्रसिद्ध भीमेश्वर मन्दिरको शिलामा पसिना आएको छ । भीमसेनको मूर्तिमा शनिबार दिउँसो १: ४७...

    कांग्रेस संसदीय दलको प्रमुख सचेतकमा सांसद घिमिरे

    नेपाली कांग्रेस संसदीय दलको प्रमुख सचेतकमा सांसद श्याम घिमिरे मनोनित भएका छन् । घिमिरे सिन्धुली-२...

    उच्च भोल्टेज प्रवाह हुँदा रेडियो मस्तीमा क्षती

    भक्तपुरमा उच्च भोल्टेज प्रवाह हुँदा रेडियो मस्तीमा क्षती पुगेको छ । सूर्यविनायक-८ स्थित रेडियो मस्तीका...

    हनुमन्ते खोलामा हाम फालेका युवकको उद्धार

    hanumante

    भक्तपुरको हनुमन्ते खोलामा हाम फालेका मानिसको उद्धार गरिएको छ । स्थानीय र प्रहरीले उनको उद्धार...