News Portal

  • समाजवादी देशहरुबाट सिक्दै जनता केन्द्रित गतिविधि अगाडि बढाइरहेका छौं : मेयर प्रजापति

    भक्तपुरपोस्ट संवाददाता भक्तपुर, १९ पुस २०७८
    ८२५ पटक
    भक्तपुर, १९ पुस २०७८

    चन्द्रागिरी नगरपालिकाको विधायन समितिको एक टोलीले भक्तपुर नगरपालिकाको भ्रमण गरेको छ । चन्द्रागिरी नगरपालिका विधायन समिति संयोजक एवं वडा नं. १४ का वडाध्यक्ष रामहरि बस्नेतको नेतृत्वमा आएको टोलीले भक्तपुर नगरपालिकाको भ्रमण गरेको हो ।

    भक्तपुर नगरपालिका विधायन समितिबाट भएगरेका कार्यहरुको अध्ययन अवलोकन गर्न उक्त टोली भक्तपुर आइपुगेको नगरपालिकाले जनाएको छ । टोलीलाई भक्तपुर वडा नं. ९ का वडाध्यक्ष रबिन्द्र ज्याख्व र वडा नं. २ का वडाध्यक्ष हरिप्रसाद बासुकलाले खादा, भादगाउँले टोपी र परम्परागत थैलीबाट संयुक्त रुपमा स्वागत गरेका थिए ।

    उक्त टोलीले नगर प्रमुख सुनिल प्रजापतिसंग भेट गरी विधायन समितिबाट भएगरेका कार्यहरुबारे जिज्ञासा राखेका थिए । उक्त अवसरमा प्रमुख प्रजापतिले स्थानीय तह निर्वाचन २०७४ पश्चात भक्तपुर नगरपालिकाले १० वटा नगरसभा सम्पन्न गरी ४६ वटा ऐन, कानुन, नियमावली तथा कार्यविधि निर्माण गरी कार्यान्वयनमा ल्याएको अवगत गराएका छन् ।

    सांस्कृतिक नगरको रुपमा रहेको भक्तपुरको कला र संस्कृति संरक्षणका लागि पुरानो सम्पदा क्षेत्रमा मौलिक शैलीमा घर बनाउने नगरबासीहरुलाई घरको मोहडामा लाग्ने इँटा, झिंगटी र काठको लागि लाग्ने खर्चको ३५ प्रतिशत अनुदान प्रदान गर्दै आइरहेको उनले जानकारी गराए ।

    भक्तपुरले २०७२ सालको विनासकारी भूकम्पले क्षति पु¥याएका ११८ वटाभन्दा बढी सम्पदाहरु जनताको आर्थिक सहयोग, जनश्रमदानबाट पुनःनिर्माण तथा जीर्णोद्धार सम्पन्न गरिसकेको जानकारी गराउउदै उनले सम्पदा पुनःनिर्माणमा भक्तपुर नपाले कसैको भर नपरेको र उपभोक्ता समितिमार्फत स्थानीय सीप र ज्ञानको प्रयोगमार्फत गर्नुपर्नेमा जोड दिँदै आएको बताए ।

    कोभिडको समयमा भक्तपुर नपाले स्थापना गरेको आइसोलेसन कन्द्रबाट ४५५ जना कोभिडका बिरामीहरुलाई निःशुल्क उपचार गरेको जानकारी दिदै उनले भक्तपुर नपाले समाजवादी देशहरुबाट सिक्दै शिक्षा र स्वास्थ्यलाई विशेष जोड दिँएको र जनता केन्द्रित गतिविधिलाई अगाडि बढाइरहेको बताएका थिए ।

    उक्त अवसरमा चन्द्रागिरीका टोली प्रमुख वडाध्यक्ष रामहरि बस्नेतले भक्तपुरबाट आफूहरुले सिक्न चाहेको बताएका थिए । उक्त भ्रमण टोलीमा चन्द्रगिरी नपाका वडाध्यक्षसहित, नगर सभा सदस्य, न्यायिक समिति संयोजक र सदस्य, कर्मचारी, कानुनी सल्लाहकार, इन्जिनियर तथा न्यायिक सहजकर्तालगायतको सहभागिता रहेको थियो ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...