भक्तपुरपोस्ट संवाददाता भक्तपुर, २९ पुस २०७८
भक्तपुर, २९ पुस २०७८ट्याटु खोपाउन पालो कुरिरहेको अवस्थामा बेहोस भएका एक युवकको ज्यान गएको छ । उनी मध्यपुरथिमी नगरपालिका वडा नं. १ लोकन्थली घर भई कोटेश्वर बस्ने बिराज खड्का भएको प्रहरीले बताएको हो ।
बुधवार राति साढे नौं बजे लोकन्थली मनहरास्थित आँखा अस्पताल नजिक आरुष मल्लले संचालन गरेको INK ट्याटुमा उनी ट्याटु खोपाउन पुगेका पाइएको डिएसपी राजु पाण्डेले जनाएका छन् । ट्याटु खोपाउन पालो कुरेर बसिरहेको ३३ वर्षीय खड्का अचानक बेहोस भएका र उपचारको क्रममा सिनामंगलस्थित के.एम.सी. अस्पतालमा बिहीवार करिब १२ बजेको समयमा उनको मृत्यु भएको डिएसपी पाण्डेले पुष्टि गरेका छन् ।
घटनास्थलमा अनुसन्धान अधिकृत सहितको प्रहरी टोली खटिई गई अनुसन्धान कार्य भईरहेको बताइएको छ ।