भक्तपुरको चाँगुनारायण ८ कलमसीका स्थानीय समेत रहेका सहसचिव रामेश्वर दंगाल निजामती सेवाको विशिष्ठ श्रेणी सचिव पदमा बढुवा भएका छन् । सोमवार बसेको मन्त्रिपरिषद् बैठकले दंगाललाई सचिवमा बढुवा गर्ने निर्णय गरेको छ ।

लोक सेवा आयोगले सचिव बढुवाका लागि दंगाल संगै मुकुन्दप्रसाद निरौला र विनोद प्रकाश सिंहको नाम सिफारिस गरेको थियो । पहिलो नम्बरको सिफारिसमा परेका दंगाललाई सरकारले पदोन्नती गरेको बैठकमा सहभागी एक मन्त्रीले जानकारी दिए ।

दंगाल अर्थ मन्त्रालयका सहसचिव हुन् । सचिवमा पदोन्नती भएसंगै उनलाई प्रदेश नम्बर २ को मुख्य सचिवमा पदस्थापन गरिने बताइएको छ ।