News Portal

  • शिक्षाको राजधानी भएर पनि भक्तपुरका विद्यालयहरुले अवसर नपाएका नेता ढकालको गुनासो

    भक्तपुरपोस्ट संवाददाता भक्तपुर, १७ माघ २०७८
    ९९९ पटक
    भक्तपुर, १७ माघ २०७८

    सत्ता साझेदार दल नेपाल कम्युनिष्ट पार्टी(माओवादी केन्द्र) का भक्तपुर अध्यक्ष डीपी ढकालले संघीय शिक्षा, विज्ञान तथा प्रविधि मन्त्री देवेन्द्र पौडेललाई भेटी जिल्लाको शैक्षिक समस्याबारे अवगत गराएका छन् ।

    सोमबार मन्त्री पौडेललाई भेटी उनले भक्तपुर शिक्षाको राजधानी भएर पनि यहाँका विद्यालयहरु भौतिक सुविधामा पछि परेका र प्राविधिक तथा व्यवसायिक धारको स्वीकृती पाउन नसकेका लगायत गुनासो गरे । प्राविधिक शिक्षा महँगो हुँदा सर्वसाधारणका छोराछोरी प्राविधिक शिक्षा पढ्न पाउने अधिकार बाट बन्चित हुने गरेको तथ्य उजागर गर्दै उनले तत्कालिन माओवादी शिक्षा मन्त्री दिनानाथ शर्माले शुरु गरेको विद्यालयमा प्राविधिक धारको कार्यक्रमलाई बिस्तार गरी प्राविधिक शिक्षालाई जनताको सहज पहुँचमा पुर्याउन आग्रह गरेका थिए ।

    नेता ढकालले राष्ट्रपति शैक्षिक सुधार कार्यक्रम अन्तर्गत भक्तपुरका विद्यालयहरुलाई प्राथमिकता दिई शैक्षिक सुधारका कार्यक्रमहरु उपलब्ध गराइदिन समेत अनुरोध गरे । उनले जिल्लाका विद्यालयहरुमा सूचना तथा संचार प्रविधि(आइसीटी) बिस्तारमा जोड दिन त्यसैगरी भौतिक पूर्वाधार, पुस्तकालय,प्रयोगशाला, कम्प्युटर लगायतको पर्याप्त व्यवस्था गरिदिन माग गरेका थिए ।

    उक्त अवसरमा नेता ढकालले मन्त्री पौडेललाई आफ्नो पुस्तक समाजबाद र नेपाल हस्तान्तरण गर्दै समाजबादी शिक्षा नीतिको लागि पहल गर्न समेत आग्रह गरे । शिक्षा मार्फत समाजबादको यात्रा सहज हुने भन्दै उनले सबैले पढ्न पाउने अधिकार सुनिश्चित गर्नु राज्यको कर्तब्य भएको उल्लेख गरे । उनले विद्यालय पछि उच्च शिक्षाका लागि विदेशिने क्रम रोक्न ठोस योजना ल्याउन र विद्यार्थीहरुलाई देशमै रहने बातावरण बनाउन समेत सुझाव दिएका थिए । पछिल्लो समय कोरोनाका कारण विद्यालय बन्द हुँदा बैकल्पिक माध्यमको पढाई प्रभावकारी हुन नसकेको बताउदै नेता ढकालले अनलाइनको पहुँचमा नरहेका विद्यार्थी अझ बढी विभेदमा परेका जानकारी गराए ।

    भेटमा मन्त्री पौडेलले मन्त्रालयले भक्तपुरलाई प्राथमिकता दिएर विद्यालयहरुमा शिक्षा सुधारका कार्यक्रम र प्राविधिक धारको स्वीकृती दिने प्रतिवद्धता प्रकट गरेका थिए । आफूले पूर्वप्राथमिक देखि विश्वविद्यालय सम्म सुधारको योजना माग गरेको र सोही बमोजिम सुधार गर्दैजाने अवगत गराउदै उनले आफ्नो कार्यकाल शिक्षाको क्षेत्रमा स्मरणीय हुने जिकिर समेत गरे ।

    उक्त अवसरमा माओवादी केन्द्रका नेता युवराज आचार्य, सरस्वती मावि थाकलमाथका प्रधानाध्यापक इन्द्रमणी गिरी, ठुली ब्रम्हायणि आधारभूत स्कूल सुडालका प्रधानाध्यापक हरि राउत र नेपाल पत्रकार महासंघ भक्तपुरका सचिव संजीप घिमिर शुभचिन्तकको उपस्थिति रहेको थियो ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...