तस्वीर : सांकेतिक

दाङको तुलसीपुर–५ मा आगलागी हुँदा ५ जनाकाे मृत्यु भएकाे छ । एक जुत्ताचप्पलकाे गाेदाममा आगलागी हुँदा उक्त हताहती भएको हो ।

४ तले भवनमा राति सुतिरहेका बेला आगलागी भएकाले ठूलो मानवीय क्षति भएको प्रहरीले बताएको छ । बिजुलीको मिटर पड्किएर आगो लागेको हुनसक्ने प्रहरीले अनुमान गरेको छ। राति २ बजेखि लागेको आगो पाँच घण्टापछि नियन्त्रणमा आएपछि मात्र शव बाहिर निकाल्न सकिएको थियो ।

इलाका प्रहरी कार्यालय तुलसीपुरका अनुसार आगलागीमा परेर करिब ६ वर्षीय आदित विन अली,१३ वर्षीया सुजिता खातुन,१४ वर्षीय मसिन बकस, १५ वर्षीय हसन बकस र ४० वर्षीय नजरबिन अलीको मृत्यु भएको छ। उनीहरू सबै सोही घरमा भाडामा बस्दै आएका बताइएको छ ।