निजी तथा आवासीय विद्यालय सङ्गठन (प्याब्सन)को बागमती प्रदेश उपाध्यक्षमा भक्तपुरका प्याब्सनिष्ट निर्वाचित भएका छन । प्याब्सनको बागमती प्रदेशको तेस्रो अधिवेशनबाट उनी निर्वाचित भएका हुन् ।

बागमती प्रदेश उपाध्यक्ष निर्वाचित हुनेमा सूर्यविनायक-७ गुण्डु स्थित लिटिल गार्डेन स्कूलका सस्थापक प्रिन्सिपल सानुराजा कार्की रहेका छन् । उनी अधिवेशनबाट उपाध्यक्षमा सर्वसम्मत निर्वाचित भएका सूर्यविनायक नगर प्याब्सनका अध्यक्ष दिनेश मैनालीले पुष्टि गरे ।

नवनिर्वाचित प्रदेश उपाध्यक्ष कार्की सूर्यविनायक नगर प्याब्सनका निवर्तमान अध्यक्ष हुन् । प्याब्सनको संगठन निर्माण र विकासमा जोड दिंदै आएका उनी जिल्ला कार्यसमिति बाट नगर नेतृत्वमा झरेका थिए । पदलाई भन्दा संगठनको आवश्यकतालाई महत्व दिने उनको स्वभावका कारण प्याब्सनको जिल्ला मात्र नभई केन्द्रीय नेतृत्व नै कार्कीलाई सर्वसम्मत निर्वाचित गर्न लागेको थियो ।

कार्की प्याब्सनका नेताका अलावा सफल विद्यालय संचालक समेत हुन् । उनले ग्रामिण क्षेत्रमा रहेर पनि गुणस्तरीय शिक्षाका लागि आफ्नो विद्यालयलाई अब्बल सावित गर्न सकेका छन् । विद्यालय संचालनलाई विशुद्ध व्यवसाय नभई सेवाको रुपमा अघि बढाइरहेका कार्की एक उदाहरणीय शिक्षासेवी समेत  हुन् ।