News Portal

  • सूर्यविनायकमा हेभिवेट भिडन्त

    भक्तपुरपोस्ट संवाददाता सूर्यविनायक, १२ बैशाख २०७९
    ५४५९ पटक
    suryabinayak municipalityसूर्यविनायक, १२ बैशाख २०७९

    भक्तपुरको सूर्यविनायक नगरपालिकामा निवर्तमान मेयर बासुदेव थापाले पुन उम्मेद्वारी दर्ता गराएका छन् । उनले नेकपा(एमाले)को तर्फ बाट उम्मेद्वारी दिएका हुन् ।

    एमालेबाट अधिकांश पहिले जितेका जनप्रतिधिहरुले दोहोर्याउने इच्छा देखाएपछि पार्टीले उनीहरुलाई नै उम्मेद्वारी दिएको हो । वडा नम्बर ८ का वडाध्यक्ष समेत रहेका नेता किरण थापाले मेयर पदमा उम्मेद्वारी दिन प्रयास गरेपनि पार्टीका जिल्ला सचिव रहेका निवर्तमान मेयर बासुदेव थापा अन्तत उम्मेदवार बन्न सफल भएका छन् । निर्वाचित मेयर रहिसकेका उनी हेभी उम्मेदवार हुन् । उनले आफूलाई मेयरले गर्ने कामको अनुभव भएकोले आगामी दिनमा अझ राम्रोसंग काम गर्नसक्ने दावी गर्दै उम्मेद्वारी दिएका हुन् ।

    उनको उपमेयरमा भने एमाले नेत्री सरिता भट्टराईले उम्मेद्वारी दिएकी छन् । भट्टराई सूनपा २ की बासिन्दा हुन् ।

    यस अघि सूर्यविनायकको मेयर र उपमेयर दुवै नेकपा(एमाले)ले जित्न सफल भएको थियो । सोही इतिहास दोहोरिनेमा बिस्वस्त छन् बासुदेव थापा । तर, यसपटक उनले गठबन्धनका तर्फबाट हेभिवेट उम्मेदवारसंग भिड्नु पर्ने भएको छ । नेपाली काँग्रेसका सूर्यविनायक नगर सभापति निशान ढुंगेलले गठबन्धनको तर्फबाट उम्मेद्वारी दिएका छन् । नेपाली काँग्रेस भक्तपुर जिल्ला समितिका सचिव नै रहिसकेका ढुंगेल मेयरको तयारी गर्न गत अधिवेशनबाट नगरमा झरेका नेता हुन् । सबैसंग घुलमिल हुनसक्ने हँसमुख स्वभावका कटुन्जे निवासी पुराना काँग्रेस नेता ढुंगेल माथि पहुँच र तल जनाधार भएका हेभिवेट उम्मेदवार मानिन्छन ।

    यद्यपी, सूर्यविनायक नगरपालिकामा पाँच दलीय गठबन्धनको एक घटक नेकपा(माओवादी केन्द्र) ले छुट्टै उम्मेद्वारी दर्ता गराएको छ । माओवादी केन्द्रबाट मेयरमा कल्पदीप राई र उपमेयरमा नमूना चौलागाईले उम्मेद्वारी दर्ता गराएका छन् । माओवादी केन्द्रले मेयर र उपमेयरमा उम्मेद्वारी नदिने प्रदेश स्तरीय सहमती गरिसकेको सूर्यविनायकमा माओवादी केन्द्रको उम्मेद्वारी परेपछि त्यसलाई मिलाउनुपर्ने दायित्व पनि ढुंगेलले बहन गर्नुपर्ने छ । त्यतिमात्र होइन, मेयरको आकांक्षी रहेका पार्टीका महाधिवेशन प्रतिनिधि नारायणभक्त खायमलीले नेपाली काँग्रेस पार्टीको साधारण सदस्य समेत नरहने गरी राजीनामा दिएकाले आफ्नै पार्टीलाई एकढिक्का बनाइराख्ने चुनौती ढुंगेल सामू देखिएको छ ।

    गठबन्धनको उपमेयरमा नेकपा(एकीकृत समाजवादी)का भक्तपुर अध्यक्ष नै रहेका युवा नेता श्यामसुन्दर बस्नेतको उम्मेद्वारी परेको छ । यस अघि नेकपा(एमाले)बाट उनकै भाउजू जुना बस्नेत उपमेयर भएकी थिइन् । विद्यार्थी राजनीतिबाट उदाएका युवा नेता बस्नेत गठबन्धनका तर्फबाट उपमेयरका बलिया दावेदार हुन् ।

    प्रतिकृया दिनुहोस्

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...

    ४ चिनियाँ नागरिक भक्तपुरमा पक्राउ

    भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ...

     नेपालमा सुनको नयाँ किर्तिमान

    नेपाली बजारमा सुनको मूल्यले नयाँ किर्तिमान बनाएको छ । विहिबार सुन तोलामा १८ सयले बढेर...

    जेठ २६ गते नगदेशमा दिनभर वः फेस्टिबल, ४ लाखले अवलोकन गर्ने

    मध्यपुर थिमि नगरपालिकामा फेरिपनि वः फेस्टिबल हुने भएको छ । अघिल्लो वर्ष दुईपोखरीमा गरिएको व:...

    मातृभाषा जोगाउने अभियानमा पनि पत्रकारिता जोडिनुपर्नेमा जोड

    उपप्रधान एवं परराष्ट्र मन्त्री नारायणकाजी श्रेष्ठ प्रकाशले मातृभाषाको संरक्षणका लागि पत्रकारिता जगत अघि बढ्नुपर्ने बताएका...