भक्तपुरपोस्ट संवाददाता भक्तपुर, ३ जेठ २०७९
भक्तपुर, ३ जेठ २०७९चाँगुनारायण नगरपालिकाको वडा नम्वर ८ मा नेकपा(एमाले) ले आफ्नो विरासत कायम राख्न सकेन । वडा नम्बर ८ मा नेपाली काँग्रेसका उम्मेदवार जनक खत्री वडा अध्यक्षमा विजयी भएका छन् ।
वडामा अन्य चार सदस्य जित्न सफल नेकपा एमालेले वडा अध्यक्षमा भने नेपाली काँग्रेसका उम्मेदवार खत्रीसंग पराजय बेहोर्न बाध्य बनेको छ । खत्रीले एमालेका उम्मेदवार राजेश खड्कालाई पछि पार्दै वडा अध्यक्षमा जीत हासिल गरेका हुन् ।
खुला सदस्यमा हरिगोपाल हेम्बा, प्रल्हाद दुलाल, महिला सदस्य नानु कार्की र महिला दलित सदस्यमा अनिता परियारले जीत हासिल गर्दा वडाध्यक्ष उम्मेदवार खड्का पराजित बनेपछि एमालेभित्रै बाट अन्तर्घात भएको आशंका व्यक्त गरिएको छ । निर्वाचनले आफूलाई धेरै कुरा सिकाएको खड्काले प्रतिक्रिया दिएका छन् । उनी जिल्ला भित्र नेता महेश बस्नेत निकट मानिन्छन ।