अरुको जग्गा मात्र नभई सरकारी जग्गा समेत देखाइ बिक्री गर्न बैना लिएको अभियोगमा दुईजना पक्राउ परेका छन् । पक्राउ पर्नेमा चाँगुनारायण- ७ बस्ने बर्ष ७२ को केशव प्रसाद अधिकारी र भक्तपुर-८ का ईश्वर गाइजू रहेका छन् ।                               उनीहरुले साविक सुडाल गा.वि.स वडा नं. ४ क मा रहेको बिभिन्न कित्ता नम्बरहरु अर्कैको नाममा रहेको जग्गा सम्बन्धित जग्गा धनीसंग अनुमती नलिई अनुमती लिएको छौ भनी झुक्याई साथै कि.नं. ३९९ क्षेत्रफल (०-४-०-० ) सरकारी जग्गा समेत बिक्री गर्न करारनामा गरी बैना लिएका बताइएको छ । बैना बापत रु ५ करोड २० लाख लिई ठगी गरेको भनी उजुरी परेपछि  उपत्यका अपराध अनुसन्धान कार्यालयले उनीहरूलाई शुक्रबार पक्राउ गरेको हो । भनपा-१०स्थित  मालपोत गेटबाट पक्राउ परेका उनीहरू लाई  आवश्यक कारवाहीको लागि जिल्ला प्रहरी परिसर भक्तपुर पठाईएको प्रहरीले पुष्टि  गरेको छ ।
उनीहरु उपर ठगी गरेको भन्दै खोटाङ बुईपा- ३ घर भई हाल दिक्तेल रुपाकोट मझुवागढी न.पा १४ बस्ने धनिराम राई समेतको जाहेरी परेपछि अनुसन्धानका लागि पक्राउ गरिएको प्रहरीको भनाइ छ ।