लोकन्थलीमा सडक दुर्घटना हुँदा बनेपा निवासी नकुल थापाको ज्यान गएको छ । दुध बोक्ने ट्यांकरले ठक्कर दिंदा स्कुटर चालक थापाको ज्यान गएको हो ।

भक्तपुरबाट काठमाण्डौ तर्फ जादै गरेको बाग्मती प्रदेश ०२-०२५ प १६२० नं को स्कुटिलाई सोही दिशा तर्फ आउदै गरेको बाग्मती प्रदेश ०१-००४ क ०५८० नं को दुधको ट्याङकरले साँझ करिब सवा ४ बजेको समयमा ठक्कर दिदा स्कुटि चालक थापा गम्भीर घाइते भएका थिए ।

बनेपा ५ बस्ने ४५ वर्षीय थापालाई उपचारको लागि गठ्ठाघरस्थित नागरीक अस्पताल लगिएकोमा उपचारको क्रममा साँझ ४ :३० बजेको समयमा ज्यान गएको प्रहरीले पुष्टि गरेको हो । ट्याङकर चालक भक्तपुर २ ब्यासी बस्ने ३५ वर्षीय राजन ब्यान्जुलाई प्रहरी नियन्त्रणमा लिई थप अनुसन्धान कार्य भईरहेको डिएसपी राजु पाण्डेले जानकारी दिएका छन् ।