भक्तपुर, २९ जेठ २०७९बागमती प्रदेश अन्तर्गत १३ जिल्लाका पत्रकारलाई भक्तपुरमा स्वागत गरिएको छ । प्रदेशमा पर्यटन मन्त्रालयले गरेका कामको ३ दिने अवलोकन भ्रमणमा निस्किएको पत्रकार टोलीलाई भक्तपुरमा स्वागत गरिएको हो ।
नेपाल पत्रकार महासंघ भक्तपुरका सचिव संजीप घिमिरे शुभचिन्तकले आइतबार जगातीमा उनीहरुलाई भक्तपुरको जु:जु धौको सगुन सहित स्वागत गरेका हुन् । महासंघको तर्फबाट स्वागत गर्दै सचिव शुभचिन्तकले यस्ताखाले भ्रमणले स्थलगत रिपोर्टिङमा सहयोग मिल्ने, पर्यटन प्रवर्द्धनमा योगदान हुने र पत्रकारहरुबीच आपसी सम्बन्ध समेत बिस्तार हुने बताउदै यात्रा फलदायी हुने विश्वास ब्यक्त गरे । उक्त अवसरमा कार्यसमिति सदस्य राजकुमार लामिछाने लगायत पत्रकारहरुको उपस्थिति रहेको थियो ।
नेपाल पत्रकार महासंघ, बागमती प्रदेशको संयोजनमा मकवानपुरबाट शुरु भएको अवलोकन भ्रमण सिन्धुली,रामेछाप सिन्धुपाल्चोक र काभ्रे हुँदै आइतबार भक्तपुर आएको हो । महासंघको प्रत्येक जिल्ला शाखाबाट एक-एक जना प्रतिनिधि अवलोकन भ्रमणमा सहभागी रहेका प्रदेश महासचिव कृष्ण सारुले बताए । प्रदेशको पर्यटन मन्त्रालयको आयोजनामा पर्यटन प्रवर्द्धनमा मन्त्रालयले गरेका उल्लेखनीय कामहरुको पत्रकार महासंघले अवलोकन गरिरहेको उनको भनाइ छ । भक्तपुरबाट उक्त टोलीमा कार्यसमिति सदस्य राजल छुकां हरिसुन्दर सहभागी रहेका छन् ।