भक्तपुरपोष्ट संवाददाताभक्तपुर,८ असार २०७९
भक्तपुर,८ असार २०७९काठमाडौँमा हालसम्म चार जनामा हैजा पुष्टि भएपछि नियन्त्रणका लागि जिल्ला स्वास्थ्य कार्यालय काठमाडौँले ३ सदस्यीय छानबिन टोली गठन गरेको छ । स्वास्थ्य कार्यालय प्रमुख वसन्त अधिकारीको संयोजकत्वमा तीन सदस्यीय छानबिन टोली गठन गरिएको हो ।
टोलीमा प्रमुखसहित, ल्याब प्राविधिक तथा काठमाडौँ महानगरपालिकाबाट खटिएका स्वास्थ्यकर्मीहरू रहेका छन् । टोलीले काठमाडौँमा देखिएको हैजाको कारणबारे अनुसन्धान, हैजा पुष्टि भएका ठाउँहरूको पानीको नमुना परीक्षण, तथा खोजपड्तालको माध्यमबाट अनुसन्धान गरिरहेको अधिकारीले बताए ।
घरबाहिरका खानेकुरा र अशुद्ध पिउने पानीबाट काठमाडौँमा हैजा फैलिनसक्ने भन्दै स्वास्थ्य सतर्कता अपनाउन विज्ञहरूले सुझाव दिएका छन् । साथै फोहोरको उचित व्यवस्था हुन नसक्दा पनि हैजा फैलन सक्ने सम्भावना बढेको छ ।