गएराति भक्तपुरमा सडक दुर्घटना हुँदा दुईजनाको ज्यान गएको छ ।

सुर्यबिनायकबाट जगाती तर्फ जाँदै गरेको बा ८९ प ७८७६ नं को मोटरसाइकल र जगातिबाट सुर्यबिनायक तर्फ आउदै गरेको बा ४ ख ५२९८ नं को ट्रिपर एक आपसमा ठक्कर खादाँ दुईजनाको मृत्यु भएको हो ।

दुर्घटनामा ब्यासी बस्ने वर्ष १९ को निश्चल चौगुठी र अर्का हाल नामथर वतन नखुलेको सोही उमेरका युवकको ज्यान गएको प्रहरीले पुष्टि गरेको छ । गम्भिर घाइते भई उपचारको लागि तत्कालै भक्तपुर अस्पताल लगेकोमा सोही अस्पतालमा मृत्यु भएको हो। मृतकहरुको शव भक्तपुर अस्पतालमा रहेको छ । घटनाको सम्बन्धमा प्रहरीबाट थप अनुसन्धान भइरहेको सूचना अधिकारी प्रहरी नायब उपरीक्षक राजु पाण्डेले जानकारी दिएका छन् ।