भक्तपुर, असार १० २०७९चाँगुनारायण नगरपालिकाले १ अर्व ८२ करोड २३ लाख ६१ हजार रुपैयाँको बजेट प्रस्तुत गरेको छ । नगर प्रमुख जीवन खत्रीको अध्यक्षतामा जारी ११ औं नगर सभामा उप प्रमुख रमेश बुढाथोकीले शुक्रवार बजेट प्रस्तुत गरेका हुन् ।
विनियोजित बजेटको चालू खर्चतर्फ ४०.२ प्रतिशत र पुँजीगत खर्चतर्फ ५९.८ प्रतिशत विनियोजन गरिएको छ ।
नगरपालिकाले सर्वाधिक बजेट सडक निर्माण र स्तर उन्नतीका लागि रु २२ करोड ४५ लाख छुट्याएको छ भने त्यसपछि ठुलो बजेट आफ्नै भवनमा पारेको छ । नगरपालिका भवन निर्माणको लागि २० करोड छुट्याइएको हो ।
निवर्तमान मेयर सोमप्रसाद मिश्रले शुरु गरेको मेयर उद्यमशीलता बिकास कार्यक्रमलाई निरन्तरता दिने उल्लेख गर्दै बजेटमा १ करोड ६५ लाख छुट्याइएको छ । त्यस्तै उनैले शुरु गरेको बचत खाता छोरीको, सुरक्षा जीवनभरीको कार्यक्रमका लागि पनि बजेट बिनियोजन गरिएको छ ।
नगरपालिकाले एक घर एक धारा अवाधाराना साकार पार्न ६ करोड ८० लाख छुट्याएको छ भने उज्यालो चहंगु नारायण अन्तर्गत साद्क बत्तीका लागि पनि बजेट बिनियोजन गरिएको छ ।
कृषिमा १ करोड ९ लाख छुट्याएको नगरपालिकाले विपद व्यवस्थापनका लागि १ करोड ५० लाख बिनियोजन गरेको छ ।