![DP dhkal](https://bhaktapurpost.com/wp-content/themes/onlineparda/images/1px.gif)
अर्थराजनीतिक विषयमा कलम चलाउने लेखक, नेकपा माओवादी (केन्द्र)का केन्द्रिय सदस्य एवं भक्तपुरका नेता डीपी ढकालको पुस्तक पुरस्कारका लागि मनोनयनमा परेको छ ।
किरात एकेडेमी नेपालले प्रदान गर्दै आएको किरात एकेडेमी पुरस्कारका लागि मनोनयनमा परेका ७ वटा पुस्तक मध्ये ढकालको समाजवाद र नेपाल एक हो । प्राप्त समकालीन कृतिहरूमध्ये ७ वटा कृतिहरूको प्रारम्भिक छनोट सूची प्रकाशन गर्ने निधो गरेको एकेडेमीले ढकालको पुस्तक समाजवाद र नेपाल पुरस्कारका लागि मनोनयनमा परेको जनाएको छ ।
प्रारम्भिक छनोटमा परेका सात पुस्तकहरुमा डीपी ढकालको समाजवाद र नेपाल, गणेश अधिकारीको उपन्यास डायरीमा रामप्रसाद राई, विप्लव ढकालको भोजपुरको वाङ्मय, केवल विनावीको कविता संग्रह यादहरूको सङ्ग्रहालय, राजकुमार दिक्पालको आदिवासी विद्रोहको इतिहास, रमेशप्रसाद भट्टराईको आधुनिक नेपाली उपन्यासको सांस्कृतिक विश्लेषण र रामराज रेग्मीको नेपालको इतिहास एक मार्क्सवादी अध्ययन रहेका छन् । कोभिड महामारी र एकेडेमीको उद्देश्य अनुकुलका कृति अभावका कारण केही वर्ष पुरस्कार स्थगित हुन पुगेको कार्यक्रमले यस वर्षदेखि फेरि निरन्तरता पाउने एकेडेमीले जनाएको छ । सन् २०११ मा गठन भएको एकेडेमीको पुरस्कार यसभन्दा अघि युग पाठकको ‘उर्गेनको घोडा’ र झलक सुवेदीको कृति ‘ब्रिटिश साम्राज्यका नेपाली मोहरा’ लाई प्रदान गरिएको थियो । तेस्रोपटक राशि ५० हजार राशीको पुरस्कार असारभित्र प्रदान गरिने एकेडेमीले जनाएको छ ।