भक्तपुरपोष्ट संवाददाताभक्तपुर, १४ असार २०७९
भक्तपुर, १४ असार २०७९बैंकिङ कसुरको मुद्दामा फरार व्यक्ति पक्राउ परेका छन् । रामेछापको सुनापती गाउँपालिका–४ का ४३ वर्षीय बिनोद घिसिङलाई केन्द्रीय अनुसन्धान ब्यूरो (सीआईबी)ले आज जोरपाटीबाट पक्राउ गरेको हो।
घिसिङले बैंक खातामा पर्याप्त रकम नहुँदा पनि १ करोड २ लाख ५० हजार रुपैयाँ बराबरको चेक काटेर दिएका थिए। पछि चेक नसाटिएपछि पीडितले प्रहरीमा उजुरी दिएका थिए। उजुरी लगतै फरार रहेका घिसिङ आज पक्राउ परेका हुन् । बैंकिङ कसुर मुद्दामा उच्च अदालत पाटनले उनलाई २१ दिन कैद र १ करोड २ लाख ५० हजार रुपैयाँ जरिवनाको फैसला सुनाएको थियो।
पक्राउ परेका घिसिङलाई फैसला कार्यान्वयनका लागि जिल्ला अदालत काठमाडौंमा उपस्थित गराइने सीआईबीका प्रवक्ता श्यामकुमार महतोले जानकारी दिए।