News Portal

  • मनोहराको कटान हेरेपछि तीन स्थानीय सरकार प्रमुखको यस्तो अपिल

    भक्तपुरपोस्ट संवाददाताभक्तपुर, १४ असार २०७९
    ८७१ पटक
    भक्तपुर, १४ असार २०७९

    भक्तपुरका २ नगरमा मनोहरा खोलाले कटान गर्दै घर र बस्ती जोखिममा पारेपछि स्थानीय सरकारले स्थलगत अवलोकन गरेको छ । चाँगुनारायणका प्रमुख जीवन खत्री र मध्यपुर थिमिका प्रमुख सुरेन्द्र श्रेष्ठको नेतृत्वमा प्रमुख प्रशासकीय अधिकृतहरु सहितको टोलीले स्थलगत अवलोकन गरेको हो ।

    काठमाडौको कागेश्वरी मनोहरा नगरपालिकामा समेत मनोहराले सोही प्रकृतीको जोखिम् निम्त्याएकोले तीनै नगरपालिकाले समस्या समाधानमा सकृयता देखाएका हुन् । तीनै वटा स्थानीय तहका प्रमुखहरुले खोलाबाट हुने क्षती न्यूनिकरणमा एक जुट भएर काम गर्ने लिखित प्रतिवद्धता समेत गरेका छन् ।
    मनोहरा खोलाको कटानलाई नियन्त्रण गरि जनधनको क्षती हुन नदिन खोलाको वहावलाई सामान्य अवस्थामा ल्याउन र मनोहरा खोलाको तटबन्धन सहितको दिगो ब्यवस्थापनका लागि तत्काल संयुक्त रूपमा आवस्यक पहल गर्ने उनीहरुले प्रतिबद्धता प्रकट गरेका छन् । मनोहरा खोलाको दुबै तर्फको ३ वटै नगरपालिका प्रमुखहरुले संयुक्त रुपमा यस्तो प्रतिवद्धता प्रकट गरेका हुन ।
    भक्तपुरको चाँगुनारायण नगरपालिकाका मेयर जीवन खत्री, मध्यपुर थिमि नगरपालिकाका मेयर सुरेन्द्र श्रेष्ठ र काठमाडौको कागेश्वरी मनोहरा नगरपालिकाका मेयर उपेन्द्र कार्कीले संयुक्त रुपमा मनोहराबाट हुने क्षती न्यूनिकरणमा आफूहरुलाई सहयोग गर्न समेत सबैमा सार्वजनिक अपिल गरेका छन् ।       
    मनोहरा खोलाको बहाव बढ्न गइ धार परिवर्तन गरी खोलाले काठमाडौं र भक्तपुरका दुवैतर्फ जमीन कटान गर्दा ब्यक्तिगत सीमा बिबाद समेत बाहिरिएका छन् । तीनै वटा स्थानीय सरकार एक ठाँउमा रहेर काम गर्न तत्पर भएपछि स्थानीयका ब्यक्तिगत समस्या समेत समाधान हुने विस्वास ब्यक्त गरिएको छ ।
    खोलाको वहावले कागेश्वरी मनोहरा नगरपालिका, चाँगुनारायण नगरपालिका र मध्यपुरथिमी नगरपालिकाको भूभाग हुँदै दुवैतर्फ जमीन कटान भई घर, बस्ती लगायतको अन्य संरचनामा समेत क्षति पुर्याउँदै आएकोले मानवीय क्षति समेत हुनसक्ने भन्दै सावधानी अपनाउन समेत स्थानीय सरकार प्रमुखहरुले नगरवासीलाई सचेत गराएका छन् ।

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...