भक्तपुर, २६ असार २०७९आइतबार भक्तपुरमा चाँगुनारायण नगरपालिकाको बिकाशमा सञ्चारकर्मी बिषयक अन्तरक्रिया कार्यक्रम समपन्न भएको छ ।
चाँगुनारायण नगरपालिका र इलेक्ट्रो एमएस इन्टरनेशनल नेपाल प्रा।लिको आयोजनामा सम्पन्न कार्यक्रममा प्रमुख अथितिका रुपमा चाँगुनारायण नगरपालिका मेयर जिबन खत्री, अतिथिका रुपमा चाँगुनारायण नगरपालिकाका प्रमुख प्रसाशकीय हरिप्रसाद चापागाई त्यसैगरी प्रबक्ता जनक खत्री लगायत उपस्थित रहेका थिए ।
कार्यक्रमलाई सम्बोधन गर्दै मेयर खत्रीले चाँगुनारायण नगरपालिकाले सधै पत्रकार सँग सहकार्य गरेर अघि बढ्ने बताएका छन । पहिले भएका कमी कमजोरीलाई सुधार गर्दै सेवा सुविधालाई व्यवस्थित गर्ने उनले बताए । समाजलाई सहज र नागरिकलाई उत्साहित गर्ने प्रमुख भुमिका पत्रकारको हुने भन्दै प्रमुख खत्रीले बिकासको लागि पत्रकारहरले पनि सकारात्मक र रचनात्मक सहयोग गर्नुपर्ने आवश्यकता औल्याए । सत्य तथ्य सूचनाको अन्वेषण गर्नु पत्रकारको धर्म भएको भन्दै उनले नगरपालिकाले सूचना उपलब्धता गराउन कुनै कन्जुस्याइँ नगर्ने स्पष्ट पारे ।
प्रमुख प्रशासकीयका अधिकृत हरिप्रसाद चापागाईले समाजमा सकारात्मक भन्दा नकारात्मक प्रभाव बढी देखेको बताए । स्थानीय तहको भारवहन क्षमता र यसको कति लागत लाग्छ भन्ने कुरामा पत्रकारलाइ अनुसन्धानको लागि उनले आग्रह गरेका छन् ।साथै पत्रकारले आफ्नो रुची, दक्षता भएको बिषयमा थप कलम चलाएमा राम्रो नतिजा ल्याउने चापागाईको भनाई छ।