महानगरीय प्रहरी प्रभाग मंगलबजारले अवैध औषधी बिक्री वितरण गरिरहेको अवस्थामा एक युवकलाई पक्राउ गरेको छ । रामेछाप स्थायी ठेगाना भएका २२ वर्षका रुपेश माझीलाई लुखुसी ग्वार्कोबाट पक्राउ गरी सार्वजनिक गरेको हो ।

पठाओ फुड लेखिएको कालो रंगको झोलामा लुकाई छिपाई राखेको अवस्थामा ट्रामाडोल हाइड्रोक्लोराइड क्याप्सुल एक पत्तामा १० ट्याब्लेटको दरले १४ पत्ता जम्मा १४० ट्याब्लेट फेला पारी आवश्यक कारवाहीको लागी औषधि विभाग नयाँ बानेश्‍वर काठमाडौं पठाएको प्रहरीले जनाएको छ ।