भक्तपुरपोष्ट संवाददाताभक्तपुर, ३० असार २०७९
भक्तपुर, ३० असार २०७९ त्रिभुवन विश्वविद्यालयको स्नातक र स्नातकोत्तर तहको प्रश्नपत्रमा भएको त्रुटिबारे विश्वविद्यालयका उपकुलपति धर्मकान्त बास्कोटालाई संसदको शिक्षा तथा स्वास्थ्य समितिले स्पष्टीकरण मागेको छ ।
आज बसेको समिति बैठकमा बास्कोटाले परीक्षाको प्रश्नपत्रमा त्रिविकै प्राध्यापकहरुबाट बदमासी भएका कारण त्रुटि भएको स्वीकार गरेका छन् । असार १८ र २३ गते त्रिवीको स्नातकोत्तर विषयका मानविकीअन्तरगतका दुईवटा विषयमा गत वर्षको प्रश्न हुबहु दोहोरिएपछि परीक्षा रद्द भएको थियो । प्रश्नपत्र बनाउने क्रममा बदमासी गर्ने प्राध्यापकहरुलाई तीन वर्षका लागि निलम्बन गरिएको र समितिले सिफारिस गरेअनुसार थप कारबाही प्रक्रिया अघि बढाइने बास्कोटाले बताए ।
त्यसलगत्तै असार २२ र २५ गते स्नातक तहका दुईवटा विषयको प्रश्नपत्र पनि दोहोरिएपछि परीक्षा साउन १ गतेलाई सारिएको थियो ।