भक्तपुर, ५ साउन २०७९प्रमुख प्रतिपक्षी नेकपा एमालेले जनताका समस्याप्रति सरकार गैरजिम्मेवार बनेको बताएको छ । बिहीबार प्रतिनिधिसभाको बैठकमा विशेष समय लिएर बोल्दै एमाले उपमहासचिव प्रदीप ज्ञवालीले मूल्यवृद्धि र महंगीप्रथि सरकार संवेदनहीन भएको आरोप लगाए ।
दैनिक उपभोग्य वस्तु, निर्माण सामग्रीको मूल्य बढेको, तर न्यूनतम ज्याला नबढेको भन्दै उनले सरकारको ध्यान यस्ता कुनै पनि विषयमापनि नभएको बताए । यसबारे बहस गर्नुपर्ने बेला एम अधिकारी को हो भनेर विषयान्तर गर्न खोजेको ज्ञवालीले दाबी छ । मध्यम वर्गलाई समेत आच्छुआच्छु भएको भन्दै उनले सरकारको संवेदनहीनताले आहत पुर्याएको बताए ।
संसदले रुलिङ गर्दा समेत किसानले मल नपाएको, विद्यार्थीहरुले पाठ्यपुस्तक नपाएको उनले बताए । सरकार जनताका समस्याहरुप्रति गैरजिम्मेवार र मूल्यवृद्धि नियन्त्रणको मामिलामा तमासे समेत बन्न नसकेको उनले बताए । यसबारे सरकारलाई रुलिङ गर्न समेत उनले सभामुखसँग माग गरेका छन् ।