भक्तपुर,१५ साउन २०७९विभिन्न सञ्चारमाध्यममा प्रकाशित समाचार प्रति सङ्घीय मामिला तथा सामान्य प्रशासन मन्त्रालयले गम्भीर ध्यानाकर्षण भएको जनाएको छ । मन्त्रालयले विज्ञप्ति जारी मन्त्रालयको कार्यसम्पादनलाई जोडेर राष्ट्रिय दैनिक पत्रीका एवं केही अनलाइन सञ्चार माध्यमहरूमा प्रकाशित समाचार प्रति ध्यानाकर्षण भएको जनाएको हो ।
समायोजन ऐन बमोजिमको समायोजन सम्बन्धी कार्य समयमै सम्पन्न भए पनि सङ्घीय निजामती सेवा ऐन जारी नहुँदा सरुवा सम्बन्धी विषयलाई व्यवस्थित बनाउन नसकिएको मन्त्रालयको प्रस्टोक्ति छ । जसका कारण प्रदेश तथा स्थानीय तहका कर्मचारीको सरुवा बढुवामा समेत प्रभाव परेको छ । ‘स्थानीय तहको निर्वाचन पश्चात् जन निर्वाचित जनप्रतिनीधीहरुले आफू अनुकूलको वातावरण निर्माणका लागी साबिककै कर्मचारीहरूलाई निरन्तरता दिन खोज्ने तथा अन्यत्र सरुवा गरी पठाउन खोज्ने प्रवृत्ति देखिएको छ ।
साथै प्रकाशित समाचारमा उल्लेखित अफवाह कर्मचारीको सरुवा, बढुवामा संलग्न भएको आधार वा प्रमाण भएमा त्यस्ता कर्मचारी वा व्यक्तिमाथि कानुन बमोजिम कार्यवाही गरिने समेत मन्त्रालयले जनाएको छ ।