भक्तपुरपोष्ट संवाददाताभक्तपुर,१५ साउन २०७९
भक्तपुर,१५ साउन २०७९नेकपा एमालेका अध्यक्ष केपी शर्मा ओलीले पार्टीका गतिविधिलाई प्रभावकारी रुपमा सञ्चालन गर्न केन्द्रीय विभागलाई निर्देशन दिएका छन् ।
एमालेको केन्द्रीय कार्यालय च्यासलमा आज आयोजित केन्द्रीय विभागका प्रमुख उपप्रमुख र सचिवको बैठकमा अध्यक्ष ओलीले कार्य योजना तयार गरी पार्टीसँग समन्वय गरेर आफ्नो विभागको कार्यक्षेत्रमा केन्द्रित भएर लाग्न निर्देशन दिए । सरकारका गलत कामको विरोध र जनताका वास्तविक समस्यामा ध्यान दिन पनि उनले सुझाव दिएका छन् ।
च्यासलस्थित पार्टी मुख्यालयमा बसेको बैठकमा पार्टीका विभिन्न ३३ विभागका प्रमुख, उपप्रमुख र सचिव सहभागी रहेको केन्द्रीय प्रचार विभाग उपप्रमुख विष्णु रिजालले जानकारी दिए ।