नेपाल मजदुर किसान पार्टीले संयुक्त राज्य अमेरिका युद्ध पिपासु भएको आरोप लगाएको छ । अमेरिकाले युद्ध पिपासु नीति अंगालेर संसारलाई दुख दिएको नेमकिपाले आरोप लगाएको हो ।
अध्यक्ष नारायणमान बिजुक्छें ‘रोहित’ले एक प्रेस बिज्ञप्ती जारी गर्दै अमेरिकी साम्राज्यबादले एसियामा युद्ध थोपर्न खोजेको बताउदै अमेरिकी सरकारले युद्धको नीतिले चीन लाई चिढाइरहेको बताएका छन् । उनले अमेरिकाले युद्ध उत्तेजनात्मक गतिविधि तीब्र पारेको जिकिर गर्दै चीन घेर्ने नीति अन्तर्गत बिबिध गतिविधि गर्दै विश्व शान्ति खल्बल्याउन खोजेको बताएका हुन् ।
पछिल्लो समय मंगलवार चीनको अभिन्न अंग थाइवान पुगेर अमेरिकी संसद सभामुख नान्सी पेलोसीले थाइवानलाई अलग्ग’ बनाउने धम्कीपूर्ण अभिव्यक्ति दिनु साम्राज्यवादी युद्धपिपासु नीति भएको र त्यो निन्दनीय रहेको नेमकिपाले विज्ञप्ती मार्फत प्रष्ट पारेको हो । सो कार्य सन् १९७१ मा गरिएको संयुक्त राष्ट्रसङ्घको २५७८ घोषणा विपरित रहेको पनि पार्टीले ठहर गरेको छ । नेमकिपाले अमेरिकी नीतिको प्रतिरोध गर्दै चीनियाँ राष्ट्रपति सी जिङ्ग फिंगले आगोसंग खेल्नेले भष्म हुन तयार हुनुपर्ने चेतावनीलाई देशभक्तिपूर्ण अभिव्यक्ति भन्दै समर्थन समेत जनाएको छ ।
नेमकिपाले बिज्ञप्तीमा अमेरिकाले विश्वका बिभिन्न भाग र देशमा झगडाको आगो झोस्दै हिडेको भन्दै त्यसप्रति बिरोध जनाएको छ । साथै, आफ्नो युद्ध पिपासु नीति त्याग्न अमेरिकालाई आग्रह समेत गरेको छ ।
हेर्नुस बिज्ञप्ती 