भक्तपुरपोष्ट संवाददाताभक्तपुर,२५ साउन २०७९
भक्तपुर,२५ साउन २०७९नेपाली कांग्रेसका नेता शेखर कोइरालाले प्रधानमन्त्री शेरवहादुर देउवाको कार्यशैलीप्रति चर्को आक्रोश पोखेका छन् । आफ्नै पार्टी सभापति समेत रहेका प्रधानमन्त्री देउवाप्रति अहिलेको सरकारको कार्यशैली निरंकुश र चर्को रहेको भन्दै आक्रोश व्यक्त गरेका हुन् ।
सार्वजनिक सञ्चारमाध्यममै कोइरालाले एमाले अध्यक्ष केपी ओली नेतृत्वको तत्कालीन सरकारको भन्दा अहिलेको सरकारको कार्यशैली निरंकुश र चर्को रहेको भन्दै आलोचना गरेका छन् । कान्तिपुर राष्ट्रिय दैनिकमा बुधबार एक लेख लेख्दै कोइरालाले देउवामाथी त्यस्तो आरोप लगाएका हुन् ।
उनले सत्ताको नेतृत्व कांग्रेसको भएपनि चलाउने काम माओवादी केन्द्रबाट भईरहेको पनि आरोप लगाएका छन् ।