भक्तपुर जिल्लाब्यापी अन्तर विद्यालय स्तरीय बक्तृत्वकला प्रतियोगितामा डेन्श इन्टरनेशनल स्कूलकी छात्रा युनिसा श्रेष्ठ प्रथम भएकी छन् । ‘फोहोर ब्यवस्थापनमा मेरो भूमिका’ विषयक वक्तृत्वकला प्रतियोगितामा ५५ विद्यालयका सहभागी प्रतिस्पर्धीलाई पछि पार्दै सूर्यविनायक- ३ बाल्कोट, नयाँबस्तीस्थित डेन्श सेकेन्डरी स्कूलको कक्षा १० मा अध्ययनरत छात्रा युनिसा प्रथम भएकी हुन् ।                                                                                                                              जिल्ला प्याब्सन भक्तपुरको आयोजनामा बिहीवार सम्पन्न प्रतियोगितामा उनले प्रथम स्थान हासिल गरेकी कार्यक्रम संयोजक वीणा पाण्डेले पुष्टि गरेकी छन् । चुनदेवी स्थित प्याब्सन सभाहलमा बिहीबार प्रतियोगिता सम्पन्न भएको हो । प्रतियोगितामा ५५ विद्यालयले सहभागिता जनाएका थिए । उक्त अवसरमा प्रथम द्वितीय र तृतीय स्थान प्राप्त गर्ने विद्यार्थी र विद्यालयलाई  ट्रफी, मेडल र प्रमाणपत्रद्वारा पुरस्कृत समेत गरिएको थियो । प्रतियोगितामा नोबेल स्कूलका सविन घिमिरेले द्वितीय स्थान प्राप्त गरेका थिए भने ग्ल्याड्स्टोनकी निप्ता भट्टराईले तृतीय स्थान प्राप्त गरेकी थिइन् । प्रतियोगितामा सान्त्वना समेत गरी १० जनालाई पुरस्कृत गरिएको आयोजकले जनाएको छ ।                                                                                                                कार्यक्रममा प्याब्सन बागमती प्रदेश उपाध्यक्ष सानुराजा कार्की, भक्तपुर जिल्ला अध्यक्ष सुरेन्द्र श्रेष्ठ,सचिव बिजय कर्माचार्य, सूर्यविनायक नगर प्याब्सनका अध्यक्ष दिनेश मैनाली लगायतको उपस्थिति रहेको थियो ।