![](https://bhaktapurpost.com/wp-content/themes/onlineparda/images/1px.gif)
पूर्व प्रधानमन्त्री तथा नेपाल समाजवादी पार्टीका अध्यक्ष डा.बाबुराम भट्टराई माओवादी पार्टीकै चुनाव चिह्नमा चुनाव लड्ने भएका छन् । उनी २०७२ असोज सम्म माओवादी नेताकै हैसियतमा थिए । तर त्यसपछि वैकल्पिक शक्तिको खोजिमा भौतारिरहेका पूर्व प्रधानमन्त्री बाबुरामले माओवादी केन्द्रका अध्यक्ष प्रचण्डसँगको निरन्तरको छलफल पछि माओवादी केन्द्रकै गोलाकारभित्रको हािसयाँ अथौडा चुनाव चिह्नमा चुनाव लड्न सहमत भएका हुन् ।
अव यो विषयलाइृ दुवै पार्टीले आ आफनो पार्टीमा छलफल गरेर भोलि सम्म टुग्गो लगाउने तयारी भएको माओवादी केन्द्रका नेता बर्षमान पुनले जानकारी दिएका छन् ।
‘बाबुरामजीको सिंगो पार्टी अब माओवादीकै चुनाव चिह्नबाट चुनाव लड्ने कुरा करिब–करिब टुंगो लागेको छ,’ पुनले भने,।औपचारिक निर्णयका लागि आ–आफ्नो पार्टीको बैठकमा छलफल गर्न बाँकी छ ।
निर्वाचन आयोगले साउन २२ देखि ३१ गतेसम्म दल दर्ताको समय दिएको छ । माओवादी केन्द्र र नेपाल समाजवादी पार्टीले चुनावी प्रयोजनका लागि दल दर्ता गरिसकेका छैनन । उनीहरुले यो विषय टुग्गो लगाएर मात्र दल दर्ताको तयारी गरेका छन् ।
निर्वाचन आयोगले एक साता अगाडी निकालेको दल दर्तासम्बन्धी सूचनामा दुई वा सोभन्दा बढी दलले एकै चुनाव चिह्न लिएर निर्वाचनमा सहभागी हुन सक्ने उल्लेख छ । राजनीतिक दलसम्बन्धी ऐन, २०७३ को दफा ४९ बमोजिम दुई वा सोभन्दा बढी दलले एकल चुनाव चिह्न लिई निर्वाचनमा भाग लिने प्रयोजनका लागि दल दर्ताको निवेदन दिन सकिने व्यवस्था छ । यसैलाई आधार मानेर माओवादी केन्द्र र नेपाल समाजवादी पार्टी साझा निर्वाचन चिह्नमा चुनाव लड्ने तयारीमा लागेका हुन् ।
माओवादी केन्द्रका अध्यक्ष पुष्पकमल दाहाल र नेपाल समाजवादी पार्टीका अध्यक्ष बाबुराम भट्टराई निर्वाचनपछि समाजवादी केन्द्र बनाउने रणनीतिसहित साझा चुनाव चिह्न र घोषणापत्रसहित प्रतिनिधि र प्रदेशसभा निर्वाचनमा भाग लिने सहमतिनजिक पुगेका छन् ।