भक्तपुरपोष्ट संवाददाताभक्तपुर,१ भदौ २०७९
भक्तपुर,१ भदौ २०७९
काठमाडौं उपत्यकाको फोहोर विसर्जन कार्यमा आज पनि स्थानीयले अवरोध गर्ने भएका छन् । आफूहरूका माग पूरा नगरिएको भन्दै उनीहरू आन्दोलित छन् । काठमाडौंबाट २ सय भन्दा धेरै गाडीमा फोहोर लोड गरेर सिसडोल पुगेर अड्किएका छन् ।
सशस्त्र प्रहरी बेस क्याम्प बन्चरेडाँडाका नायब निरीक्षक युवराज रिजालका अनुसार आज पनि प्रहरी परिचालन गरेर फोहोर ढुवानी गर्ने तयारी छ । आज फोहोर बोकेर गएका १०० सवारीसाधन मुड्खु भञ्ज्याङबाट अगाडि बढिसकेका जनाइएको छ । ठूलो संख्यामा प्रहरी परिचालन गरिने तयारी छ ।
मंगलबार पनि त्यस क्षेत्रमा जिल्ला प्रशासन कार्यालय काठमाडौंबाट ठूलो संख्यामा प्रहरी परिचालन गरिएको थियो । प्रहरी र स्थानीयबीच झडप हुँदा एकजना घाइते भएका थिए ।