नेकपा माओवादी केन्द्रको आज पदाधिकारी चयन गर्दै केन्द्रीय कमिटीलाई पूर्णता दिने तयारी गरिएको छ । बैठकबाट महासचिवसहित बाँकी पदाधिकारीको टुंगो लगाउने तयारी छ ।

गत वर्ष पुसमा सम्पन्न महाधिवेशनबाट अध्यक्षमा पुष्पकमल दाहाल ‘प्रचण्ड, वरिष्ठ उपाध्यक्षमा नारायणकाजी श्रेष्ठ र कृष्णबहादुर महरा उपाध्यक्षमा चयन भएका थिए । अरू पदाधिकारीको टुंगो लागेको छैन । संगठन विभाग प्रमुख समेत रहने महासचिवमा यसअघि वर्षमान पुन र जनार्दन शर्माको दाबी थियो । नेताहरूका अनुसार प्रचण्डले निर्वाचनबाट पदाधिकारी नछान्ने बताएपछि आज गुरुङलाई महासचिव प्रस्ताव गर्ने तयारी छ । उपाध्यक्षमा मातृका यादव र पम्फा भुसालको सम्भावना बढी छ ।

वर्षमान पुन, गिरिराजमणि पोखरेल उपमहासचिव बन्ने सम्भावना छ । अर्थमन्त्री समेत रहेका शर्मा र शक्ति बस्नेतको नाम पनि उपमहासचिवका लागि चर्चामा छ ।