भक्तपुर, १५ भदौ २०७९नेपाल उद्योग व्यापार महासंघको भक्तपुर जिल्ला भेलाबाट होटल ब्यवसायी राम सुन्दर बकेको नेतृत्वमा २१ सदस्यीय कार्यसमिति निर्वाचित भएको छ । बुधबार सम्पन्न प्रथम जिल्ला भेलाबाट बकेको अध्यक्षतामा २१ सदस्यीय जिल्ला कार्यसमिति निर्वाचित भएको हो । नवनिर्वाचित अध्यक्ष बके सूर्यविनायकको रानीकोट्स्थित होटल हाइल्याण्ड रिसोर्टका संचालक हुन् ।
कार्यसमितिको उपाध्यक्षमा सानुराजा कार्की, राजेन्द्र आगंजा र शान्ति केसी निर्वाचित भएका छन् भने महासचिवमा सोनाम मानान्धर त्यसैगरी सचिवमा राजु कुटु र दिल कुमार बाला निर्वाचित भएका बताइएको छ । 
कोषाध्यक्ष बिकास लाखे रहेको उक्त कार्यसमितिमा सह कोषाध्यक्ष भने कृष्णमान प्रजापति रहेका छन् । अध्यक्ष लगायत सिङ्गो कार्यसमिति नै निर्विरोध निर्वाचित भएको नवनिर्वाचित सचिव राजु कुटुले जानकारी दिए । अर्थ राजनीतिका विज्ञ एवं नेता डिपी ढकालको प्रमुख आतिथ्यता रहेको भेलामा नेपाल उद्योग व्यापार महासंघको केन्द्रीय तथा प्रदेश प्रतिनिधिहरुको उपस्थिति रहेको थियो ।