भक्तपुरपोष्ट संवाददाताभक्तपुर,२१ भदौ २०७९
भक्तपुर,२१ भदौ २०७९राष्ट्रिय सभा सदस्य डा विमला राई पौड्यालले संस्कृति, पर्यटन तथा नागरिक उड्डयनमन्त्री जीवनराम श्रेष्ठले सार्वजनिकरूपमा माफी माग्नुपर्ने माग गरेकी छन् । आज मङ्गलवार राष्ट्रिय सभाको बैठकमा शून्य समयमा बोल्दै राष्ट्रिय सभा सदस्य पौड्यालले मन्त्री श्रेष्ठले भिसा लिन जाने क्रममा सुरक्षा गार्डप्रति अमानवीय व्यवहार गरेको भन्दै त्यसप्रति सार्वजनिकरूपमा माफी माग्नुपर्ने उनको भनाइ थियो ।
मन्त्रीको यस्तो व्यवहार अस्वीकार्य हुने भन्दै नागरिकले तिरेको करबाट सेवा सुविधा लिनेहरू शासक नभइ सेवक भएको पनि स्मरण गराइन् । सांसदहरूले विधि बनाउने भन्दै उनले विधि उल्लङ्घन गर्ने पनि उनै विधि बनाउनेहरू नै भएको टिप्पणी गरिन् । यस प्रकारको घटना पुनः नदोहोरियोस् भन्नका लागि पौड्यालले सरकारको ध्यानाकर्षण पनि गराएकी छन् ।