भक्तपुर, २५ भदौं २०७९नेपाली काँग्रेसका प्रभावशाली नेता प्रकाशमान सिंहले आफ्नै दलको समेत नेतृत्व गर्न नसक्नेले देशको नेतृत्व गर्न नसक्ने दावी गरेका छन । दुई वर्ष पनि दल टिकाउन नसक्ने भन्दै उनले गत निर्वाचनमा आफ्ना प्रतिस्पर्धी रहेका रवीन्द्र मिश्रप्रती व्यंग्य गरेका हुन् ।
शनिवार बानेश्वरमा कुमाले धारा मर्मतसम्भार तथा पार्क सौन्दर्यीकरण उद्घाटन कार्यक्रमलाई सम्बोधन गर्दे नेता सिंहले रविन्द्र मिश्रप्रति इंगित गर्दै दुई वर्षसम्म पार्टी टिकाउन नसक्नले देश विकास गर्छु भन्नु नहुने बताए ।
नेता सिंहले पार्टी खोल्नु नाङ्लोमा पसल खोल्नु जस्तो नभएको भन्दै पार्टी चलाएर देखाउनमिश्रप्रति लाई चुनौती समेत दिए । निर्वाचनमा तत्कालीन विवेकशील साझा पार्टीका संयोजक रविन्द्र मिश्रसँग ८ सय १९ मताको झिनो अन्तरले मात्रै सिंह विजयी बनेका थिए । आफ्नो क्षेत्रमा नयाँको हल्ला चाडै चल्ने भन्दै नेता सिंहले आगामी मंसिर १४ गते हुने निर्वाचनमा पनि हल्लाको पछि नलाग्न तथा निष्ठा त्यागको राजनीति गर्ने उम्मेदवारलाई मतदान गर्न आग्रह गरे ।